Hosea 10:7 - Hawaii Pidgin Bible

⁷ Da Samaria peopo an dea king goin come wipe out, Jalike one small stick dat da watta carry away.

Hosea 10:7 交叉參考

Hosea 10:3

Den da peopo goin tell, “Us Israel peopo no mo king, Cuz us no mo respeck fo Da One In Charge! But even if we get one king, He no can do notting fo us guys!”

Jude 1:13

Dem guys ony do shame kine stuff, jalike wen da big kine messy surf come up an bahf all kine junk stuff. Dey jalike da stars dat no go wea dey suppose to go. God get one place fo dem. Dey goin stay dea foeva, inside da real dark place.

Hosea 13:11

So, cuz I wen stay huhu, I give you one king. Den I come real huhu one mo time, an take him away.

Hosea 10:15

Same ting goin happen to you Bethel peopo, Cuz you guys stay do real bad kine stuff! An da day wen Da One In Charge goin fight Wen start fo get light, Da Israel king goin mahke!”

2 Kings 17:4

But layta, da Assyria king find out dat Hoshea make one plan wit some odda guys fo bulai him. He know az one bulai, cuz he find out Hoshea wen sen messenja guys fo make one deal wit King So, Egypt side. Ery year befo dat, Hoshea wen pay da Assyria king. But dis year, he no pay um no moa. Cuz a dat, Shalmaneser grab Hoshea an put him in prison.

2 Kings 15:30

Den Hoshea, Elah boy, make one plan fo kill Pekah, Remaliah boy. Hoshea guys attack Pekah an kill um, an den Hoshea come da nex Israel king. Dat happen wen Jotam, Uzziah boy, stay da Judah king fo twenny year.

2 Kings 1:3

But one angel from Da One In Charge tell Elijah from Tishbe town, “Go up meet da messenja guys from da Samaria king, an aks dem, ‘Wot?! No mo God inside Israel, o wat?! Az why you gotta go Ekron side fo aks dea god Baal-Zebub wat goin happen?!’

1 Kings 21:1

Laytas, one mo ting happen wit Ahab, da king fo da Samaria peopo. Had one guy Nabot from Jezreel. He get one grape farm dea. Da grape farm stay nea one palace da king get ova dea.

Hosea 10:8

Da sacrifice places on top da hills nea Bet-Aven— Dat mean “house wea peopo do wass wrong”— Dey goin come wipe out. Az wea da Israel peopo stay do da real bad kine stuff. Thorns an da kine weed dat make yoa skin itchy Goin grow ova dea an cova dea altars. Den da peopo goin tell da mountains, “Proteck us!” An tell da hills, “Fall down on top us!”