Hosea 10:5 - Hawaii Pidgin Bible

⁵ Da peopo dat live Samaria town stay bodda inside, Cuz maybe someting bad goin happen To da young cow idol kine gods in Bet-Aven town. Da Samaria peopo goin come sked, An dea pries guys fo da idol kine gods, Dey all goin stay sad bout da calf statue too. Befo time dey wen stay good inside, Cuz da idol stay awesome. But now odda peopo wen take da awesome idol one far place.

Hosea 10:5 交叉參考

Hosea 9:11

Da Efraim peopo, dey awesome. But no goin be lidat no moa, jalike wen one bird fly away. Dey no goin get hapai. Dey no goin born kids.

Hosea 5:8

“Blow da sheep horn trumpet inside Gibeah! Blow da metal trumpet inside Ramah! Yell fo fight inside Bet-Aven! Lead da army guys, you Benjamin guys!

Hosea 4:15

“No matta you Israel peopo fool aroun lidat, I no like fo da Judah peopo make lidat an get da blame. No go Gilgal fo pray to dea fake gods! No go Bet-Aven fo pray to dea fake gods! An no make one promise an tell, ‘Fo shua Da One In Charge stay alive, An he goin punish me if I no do um!’

2 Kings 23:5

Josiah throw out da fake pries guys dat work fo da odda gods, da ones dat da odda Judah kings wen give da job fo burn incense on top da sacrifice places on top da hills nea da Judah towns, an da ones nea Jerusalem. Dose pries guys, dey da ones dat burn da incense fo Baal, fo da sun an da moon gods, fo da gods dey see in da stars inside da sky, an fo all da odda star kine gods.

Hosea 13:2

Now, dey stay do bad kine stuff mo an moa. Dey cova idol kine gods wit dea silva. Dey know how fo make um real good. But dass ony peopo dat make um. Odda peopo talk bout dem. Dey tell, “Dose peopo dat make da sacrifices to odda gods, Dey kiss da bebe cow statues.”

Jesus Guys 19:27

Cuz a dat, da peopo goin talk bad bout da stuff us guys make, an mo worse, dey goin figga da temple fo da big wahine god Artemis no good. She stay awesome, an da peopo all ova West Asia an da world go down an pray to her. But dese guys, bumbye dey goin wipe her out!”

Zefaniah 1:4

“I goin use my powa agains da Judah peopo, An erybody dat live inside Jerusalem. I goin wipe out from dis place eryting dat still stay bout da Baal god. I goin wipe out even da names fo da pries guys fo da idol kine gods, An fo da pries guys dat wen bag from me, Da One In Charge.

2 Records 11:15

Jeroboam put his guys fo be da pries guys fo da sacrifice places on top da hills, an fo da idol kine gods he wen make fo da goat spirits an da bebe cow kine gods.

2 Kings 17:16

Da peopo no lissen all da tings dea God, Da One In Charge, wen tell um fo do. Dey even make two idol kine gods from metal fo dem pray to, dat look jalike bebe cows. Dey set up poses fo da wahine god Asherah. Dey go down in front da sun an moon an all da stars inside da sky jalike dey gods, an dey let da Baal god be dea boss.

2 Kings 10:29

But Jehu, he neva tell “Laytas” to da bad kine stuff dat Jeroboam, Nebat boy, wen make da Israel peopo do. Da Israel peopo still stay go down in front da gold kine bebe cows dat Jeroboam put Bethel side an Dan side.

Local Leadas 18:24

Micah tell, “You guys take da gods I wen make, an my pries guy, an go way. Now I no mo notting! How come you guys tell, ‘Bodda you?!’ ”

Joshua 7:2

Joshua sen guys from Jericho to Ai, nea Bet-Aven, da east side Bethel. He tell dem, “Go up dea fo scope out da land.” So da guys go an scope out Ai.

2 Records 13:8

“An now you guys make plan fo go agains da peopo dat get Da One In Charge fo dea king—da peopo dat da guys dat come from David get da right fo lead dem. Fo shua, you guys get one big army. You wen bring wit you da gold bebe cow statues dat Jeroboam wen make fo be yoa gods.

Isaiah 46:2

Da two Babylon gods, Dey no can stan up no moa. Dey no can bring back dea statues. Dass why da Babylon gods stay prisonas too. Dey gotta go wea eva peopo carry da statue.

Hosea 9:1

You Israel peopo, no yell jalike you stay good inside! No ack jalike da odda peopos wen dey amp out. I tell dat cuz you guys no stay tight wit yoa God. Ery place wea peopo split da wheat from da junks, You guys like get money Cuz you fool aroun wit idol kine gods!

Amos 3:14

“Dat time wen I goin punish da Israel peopo Fo da bad tings dey wen do, Same time, I goin bus up all da altars Bethel side! I goin wack da horns dat stick out from da altar, Dey goin broke an fall down on top da groun.