Hosea 10:4 - Hawaii Pidgin Bible

⁴ Dey make plenny fake promise Dat no mean notting! Dey make plenny deal, But dey no do wat dey wen promise fo do. Az why dey stay take each odda in front da judge. Dey jalike da poison weeds Dat grow inside one field dat somebody wen plow.

Hosea 10:4 交叉參考

Amos 6:12

Eh! You tink one horse can run fas ova one pali? You tink one farma guy can use cows fo plow da ocean watta? No ways can! Jalike wen somebody like judge da right way, Dey no can, cuz you guys jalike make shua how dey judge, come out bad jalike poison! Wen get somebody dat stay do da right ting, You guys make shua dey no can do da right ting, Cuz you guys make eryting come out jalike one bitta taste!

Amos 5:7

“Bummahs, fo you guys! You tell peopo Dat eryting da judge tell, no good, An bulai peopo so dey no mo dea rights! Jalike you throw um down on top da dirt!”

Hosea 4:2

Dose guys put kahuna on top each odda. Dey bulai each odda an murda each odda. An dey rip off peopo. Dey fool aroun behind dea wife o husban back. Dey bus up peopo an kill um one afta anodda.

Hebrews 12:15

Watch out fo each odda, how you live. No good if somebody tell “Laytas” to all da good kine stuff dat God like do fo us. Dass jalike wen get one bad kine plant dat shoot up an make all da odda plants come poho. Dat kine guy goin make plenny odda peopo come pilau inside.

2 Timoty 3:3

Dey no goin get love an aloha. Dey no goin give chance to nobody. Dey goin poin finga somebody, no matta az not true. Dey no goin hold back wen dey gotta hold back. Dey goin like see odda peopo suffa. Dey goin hate eryting dass good.

Rome 1:31

Dey no like undastan notting. Dey make one promise but dey no keep um. Dey no mo love an aloha, an dey no give peopo chance notting.

Jesus Guys 8:23

Cuz I know you stay real jealous an piss off bout eryting, an you like do all da time da kine stuff dat no stay right.”

Hosea 6:7

“But jalike Adam wen do, dey wen broke da deal dey get wit me. Da way dey ack, I no can trus dem.

Isaiah 5:7

“So, az da story bout dis peopo! Da One In Charge, Da God Ova All Da Armies, His grape field, dass da Israel peopo! An da plantation dat make Da One In Charge feel good inside Wit plenny love an aloha, Dass da peopo from da Judah districk. Da One In Charge wait fo peopo Fo judge da right way, But dey ony stay kill each odda! He wait fo peopo fo do da right ting erytime, But dey ony make each odda yell fo somebody help dem.”

Rules Secon Time 29:18

Make shua no mo any guy o wahine, o ohana wit you guys, dat goin tell ‘Laytas’ to oua God, dass Da One In Charge a us. Make shua dey no go down an show respeck to da idol kine gods from dose peopos. Make shua no mo notting wit you guys dat make eryting come pilau.

Rules Secon Time 31:16

Da One In Charge tell Moses, “You get litto bit mo time, an you goin go res wit yoa ancesta guys. But dese peopo, dey goin go down in front da odda gods dat da diffren peopos pray to ova dea inside da land dey goin go inside fo take ova. Dey goin do tings wit dose gods, jalike wen peopo go fool aroun behind dea husban o wife back. Dey goin bag from me, an broke da deal I wen make wit dem.

Rules Secon Time 31:17

Da time wen dat happen, I goin come huhu wit dem, an leave dem behind. I goin hide my face from dem, an I goin wipe dem out. Plenny trouble goin happen to dem an hard time goin come. Dat time, dey goin tell, ‘Fo shua, us guys get all dis bad kine stuff happen cuz oua God no stay wit us, aah?’