Daniel 8:3 - Hawaii Pidgin Bible

³ I look up, an dea in front me get one ram wit two horn. He stay stan by da side a da canal. His two horn, real long. One a da horns grow mo long den da odda, but da mo long one start fo grow afta da odda one start fo grow.

Daniel 8:3 交叉參考

1 Records 21:16

David look up an see da angel guy from Da One In Charge dat stan wit da sky ova him an da earth undaneat him. He carry one sword inside his hand, an he hold um out ova Jerusalem. David an da older leadas put on burmbag kine clotheses, an dey go down an put dea face on top da groun.

Ezra 1:2

“Dis me King Cyrus, da king fo da Persia land. Da One In Charge, da God dat live inside da sky, he wen tell me fo take ova all da odda king guys inside da world. He give me da job fo build one temple fo him, inside Jerusalem town, inside da Judah land.

Ezra 4:5

Da odda peopos pay some guys fo teach dem da bestes way fo jam up da work da Judah peopo get plan fo do, an dey make um stop da work. Fo long time dey do all dis kine stuff, from da time Cyrus was da big king Persia side, till afta Darius Numba Two take ova.

Esther 1:3

In da numba three year wen he stay king, he make one big party fo all da alii an his govmen guys. Da army leada guys fo Persia an Media, da princes, an da alii fo da districks dat get dea local govmen, dey all stay dea.

Isaiah 13:17

“But you know wat I goin do?! I goin make da Mede peopo go agains da Babylon guys. Da Mede guys, dey ony like win. You give um silva kine stuff, but dey no kea fo dat. You give um gold, but dat no make dem stay good inside.

Isaiah 21:2

God wen show me stuff Dat make me come real bum out jalike one bad dream: “Jalike da guy dat like set up his braddahs, He goin do um. Da guy dat like bus up eryting, He goin bus um up. Da Babylon guys goin make plenny peopo suffa an moan, But I goin make da Babylon guys stop all dat! You Elam army guys, go afta Babylon town! You Media army guys, make camp all aroun Babylon too, Fo nobody go inside dea o come outside!”

Isaiah 44:28

“I da One dat tell dis bout King Cyrus: ‘He jalike da guy take kea my sheeps. He goin do eryting I like fo him do. He goin tell bout Jerusalem, “Let guys build um up one mo time.” He goin tell bout da Temple, “Make da foundation.” ’ ”

Jeremiah 51:11

Da ones dat goin attack Babylon tell, “Make yoa arrows sharp. Fill up yoa arrow bags! Da One In Charge wen put one spirit inside da kings fo da Mede peopo Dat make um like do someting. Az cuz he make up his mind, Fo wipe out Babylon. How come Da One In Charge goin pay dem back, aah? He pay um back Cuz a wat dey wen do to his Temple!

Daniel 10:5

I look up, an ova dea in front me get one guy wit linen kine clotheses. He get one fancy gold belt aroun his wais.

Daniel 2:39

“Afta you, anodda kine govmen goin come, not awesome like yoas. Afta dat, anodda kine govmen, numba three, goin come. Dey da bronze part a da statue. Dey goin get powa ova da whole world too.

Daniel 5:31

Darius da Mede guy take ova Babylon an come da king. He sixty-two year ol dat time.

Daniel 6:28

Az why eryting go good fo Daniel, all da time Darius an Cyrus from Persia stay king.

Daniel 7:5

“Den in front me, I see anodda wild animal, numba two, dat look jalike one bear. He sit on his back legs an he get three ribs in his teets. Somebody tell um, ‘Get up! Eat all da meat you like!’

Daniel 8:2

Fo dis dream, me Daniel stay da Elam districk, inside da part a Susa town dat get strong wall. I stay stan by da side a da Ulai Canal.

Daniel 8:20

Da ram wit da two horn dat you wen see, dass jalike da king guys fo da Mede an Persia guys.

Zekariah 1:18

Den I look up. An dea in front me get four animal horns.

Zekariah 2:1

Den I look up, an dea in front me get one guy dat hold one string fo measure inside his hand.

Zekariah 5:1

I look one mo time, an dea in front me get one roll up paypa dat stay fly!

Zekariah 5:5

Den da angel guy dat stay talk wit me come out an tell me, “Look up! See wass dis, dat stay show up!”

Zekariah 5:9

Den I look, an dea in front me get two wahines dat stay flying an da wind stay blowing thru dea wings. (Dey get wings jalike da stork bird.) Dey lif up da basket wit da earth undaneat um an da sky ova um.

Zekariah 6:1

I look up one mo time. Dea in front me get four war wagons coming outa one valley. Get one bronze mountain one side an anodda bronze mountain da odda side.

Census 24:2

Wen he look out dea, he see da Israel peopo inside dea camp wit ery ohana togedda. Den God Spirit take ova him,

Joshua 5:13

One time wen Joshua stay nea Jericho town, he look up an see one guy stay standing in front him. Da guy get one sword inside his hand. Joshua go by him an tell, “Eh! You stay wit us guys, o wit da guys dat stay agains us?”

Jesus Show 13:11

Den I see anodda Wild Animal coming outa da groun. He get two horn jalike one bebe sheep, but he talk jalike one dragon.

Jesus Show 5:6

Den, jalike one dream, I look, an I see da Bebe Sheep Guy. Look jalike somebody kill him awready. He stan on top da throne, in da middo. All aroun him get da four tings dat stay alive an go ery place God go, an da older leada guys. He get seven horn an seven eye. Da horns an da eyes, dass da seven spirits from God dat he sen all ova da world.