Daniel 7:27 - Hawaii Pidgin Bible

²⁷ Den, da God Dass Mo Importan Den All Da Odda Gods goin give da peopo dat stay spesho fo him da powa fo come da nex king an da powa fo stay in charge a da peopo. An da God Dass Mo Importan Den All Da Odda Gods goin give his kings powa ova da odda kings all ova da world. Dey goin stay in charge foeva. All da countries on top da earth goin work fo God peopo, an all da odda peopos goin lissen dem.’

Daniel 7:27 交叉參考

Songs 72:11

I like fo all da king guys Go down in front him. I like fo all da nations Stay his worka guys.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Luke 1:33

He goin stay King fo da Jacob ohana, Da Israel peopo, foeva. Goin be lidat foeva.”

Daniel 7:14

Da One Dat Stay From Befo Time give da guy Da powa fo stay in charge. He make peopo get respeck fo him An let him be dea king. All da diffren peopos From ery country an ery language Goin show dat guy love an respeck. Da powa he get fo stay in charge, He get um foeva. Dat powa goin be lidat foeva, An no mo nobody goin ovathrow him.”

Songs 22:27

I like fo da peopo all ova da world, tink plenny bout you An tell dat you, Da One In Charge, da God fo dem, An come back fo be yoa peopo. I like fo da diffren ohanas from all da nations Go down in front you fo show respeck.

Daniel 7:18

But da ones dat stay spesho fo da God Dass Mo Importan Den All Da Odda Gods, goin be dem get da right fo be da king guys, an dey goin keep dat right foeva an eva.’

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

Isaiah 9:7

He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.

Songs 145:13

Da powa you get fo be king, Dat powa goin be lidat foeva! Da right you get fo stay in charge A da peopo right now, Goin be fo dea kids too, An fo dea kids kids! Da One In Charge, he erytime do Wat he tell he goin do, An eryting he do, He stay tight wit his peopo.

Songs 86:9

You my Boss! You wen make All da diffren peopos. Dey all goin come by you An go down in front you. Dey show choke respeck fo you. Cuz dey know wat kine god you.

Jesus Show 19:16

He get one sign on top his robe an on top his leg, dat tell, “Da King Ova All Da Kings, an Da One In Charge A All Da Bosses.”

Daniel 7:22

He stay make lidat. But den Da One Dass From Befo Time come. Him da Judge, an he tell ‘Da ones dat stay spesho fo Da God Dass Mo Importan Den All Da Odda Gods, dey get um right.’ Den da time come wen dose dat stay spesho fo him take ova an stay in charge a eryting.

Jesus Show 17:14

Dey goin make war an fight God Bebe Sheep Guy. But he goin win ova dem, cuz he Da One In Charge Ova All Da Bosses an da King ova all da kings! All da peopo dat God Bebe Sheep Guy wen pick an tell dem fo come be his guys, dey do wat dey tell dey goin do, an dey goin stay tight wit him.”

Zekariah 14:9

Erybody goin know Da One In Charge da ony king ova all da world. Dat time he goin be da ony God, an his name, Da One In Charge, goin be da ony name fo pray to.

Isaiah 54:3

Cuz you guys goin need mo plenny room, On da right side an da lef side. Da peopo dat goin born from you Goin take ova da land from odda countries, An go live inside da towns Dat da odda peopo wen bag from.

Jesus Show 22:5

No goin get nite time no moa. Dey no goin need da light from da lamp o da light from da sun, cuz God, Da One In Charge, he goin give dem light. An dey goin be in charge a da world wit God da King foeva.

John 12:34

Da peopo tell him, “We wen hear from da Rules From God dat da Christ Guy goin live foeva. Den how come you tell, ‘Dey goin take me, da Fo Real Kine Guy, an lif me up from da groun fo kill me’? Who dis Fo Real Kine Guy dat you stay talk bout?”

Obadiah 1:21

Da guys dat get oua peopo outa trouble, Dey goin go on top Mount Zion, Fo ovathrow da govmen fo da Esau mountains. An Da One In Charge, he goin be da king!

Daniel 4:34

“Afta da seven year, me, Nebukadnezzar da King, wen look up to da One inside da sky. Den I start fo tink one mo time. I tell bout da God Dass Mo Importan Den All Da Odda Gods, how he do good tings fo me! “I tell good tings bout da One Dat Stay Live Foeva, An I tell dat he stay awesome, An he goin stay king foeva! He get da right fo stay in charge Ova all da peopo dat live today An ova all da peopo dat goin live bumbye.

Jesus Show 20:4

Den I spock plenny throne. On top get da peopo dat God wen give da powa fo come judges. Dey da one dat wen tell bout Jesus, an tell wat God wen tell, an odda peopo wen cut off dea heads cuz a dat. An I see how dey stay inside. Dey neva show love an respeck fo da Wild Animal o his statue, an dey neva get his mark on top dea forehead o dea hand. Dey come back alive one mo time, an dey stay in charge wit God Spesho Guy, da King, fo da tousan year.

1 Corint 15:24

An afta Christ come back, he goin wipe out all da spirits dat tell, “Me, I da leada! I stay in charge a eryting! I get da right fo make how I like! I strong!” Den Christ da King goin turn ova eryting to God his faddah, an eryting goin come pau.

Jesus Show 11:1

Den, jalike one dream, somebody give me one bamboo, jalike one stick fo measure. An dey tell me, “Go. Measure God temple an da altar, an count how plenny peopo get dea dat show God love an respeck.

Isaiah 14:2

Da peopos from Babylon goin take da Israel peopo An bring um back inside dea place. Den da Israel ohana goin take ova dose odda peopos, An da odda peopos, guys an wahines, Goin stay work fo da Israel peopo inside Da One In Charge land. Befo time, da Babylon peopo make da Israel peopo come prisonas, But now, da ones wen put presha on da Israel peopo, Dey come dea prisonas.

Daniel 6:26

“Dis da rule: All ova da land wea I stay king, erybody gotta come sked an shaking in front Daniel God an get respeck fo him. “He da God dat stay alive. He live foeva. No mo nobody can wipe out Da peopo wea he stay da king. He goin stay in charge foeva.