Daniel 6:28 - Hawaii Pidgin Bible

²⁸ Az why eryting go good fo Daniel, all da time Darius an Cyrus from Persia stay king.

Daniel 6:28 交叉參考

Daniel 1:21

So Daniel stay work inside da palace, all da way till da year numba one wen Cyrus come da king fo Babylon.

2 Records 36:22

Befo time, Da One In Charge wen tell Jeremiah wat goin happen bumbye. He tell Jeremiah fo tell dat to da peopo. Den, da year numba one wen Cyrus come da Persia king, dis wat happen: Da One In Charge make King Cyrus like tell dis inside all da place wea he da king. He even write um lidis:

Isaiah 44:28

“I da One dat tell dis bout King Cyrus: ‘He jalike da guy take kea my sheeps. He goin do eryting I like fo him do. He goin tell bout Jerusalem, “Let guys build um up one mo time.” He goin tell bout da Temple, “Make da foundation.” ’ ”

Daniel 10:1

Da year numba three wen Cyrus stay da king fo Persia, God give one message dat was secret befo time to Daniel (da guy anodda king wen call Belteshazzar). Wat God show Daniel, dat message stay true, an tell bout one big war. He undastan wat dat mean cuz he wen see um, jalike in one dream.

2 Records 36:23

“Dis wat me, Cyrus da Persia king, tell: “ ‘Da One In Charge, da God inside da sky, wen give me da right fo stay in charge a all da kings an dea lands on top da earth. He da One wen pick me fo build one temple fo him inside Jerusalem, da main town inside Judah. If any one a you guys from all da peopo a Da One In Charge like go dea, I like fo you go, an I like fo yoa God, Da One In Charge, go wit you!’ ”

Daniel 5:28

“An ‘parsin,’ mean dat God half half da land wea you stay king, an give half to da Mede peopo an half to da Persia peopo.”

Songs 77:15

You wen use yoa powa Fo get yoa peopo outa trouble, Da peopo dat get Jacob An Joseph fo dea ancesta guys. (Time out fo da music.)

Jeremiah 32:20

You wen do awesome stuff fo show da peopo inside da Egypt land yoa powa, an you wen do stuffs ony you can do, an peopo know bout all dat, still yet today. Az how you make plenny peopo know wat kine god you—da Israel peopo an all da odda peopo all ova da world.

Daniel 3:29

Az why I make dis rule now: No matta wat peopo o wat country somebody come from, an no matta wat language dey talk, if dey talk an no show respeck fo da God dat Shadrak, Meshak, an Abednego pray to, I goin tell my worka guys fo cut off dea arms an legs, an make dea house come one big rubbish pile. Cuz no mo anodda god dat can get peopo outa trouble da way dea god can!”