Daniel 5:18 - Hawaii Pidgin Bible

¹⁸ “King Belshazzar, lissen up! Da God Dass Mo Importan Den All Da Odda Gods, he wen make yoa faddah Nebukadnezzar come king. He make him come mo importan, an make peopo get respeck fo him, an make him awesome.

Daniel 5:18 交叉參考

Daniel 4:17

Us angel messenja guys tell Wat God make up his mind fo do. We stay spesho fo God, An we tell wat goin happen. Cuz we do dat, Erybody dat stay alive goin know dis: Da God Dass Mo Importan Den All Da Odda Gods, He get da powa fo tell All da govmens in da world Wat dey gotta do. He make whoeva he like Come da king fo dem. He even can take one guy Dat nobody tink he importan, An make him da govmen leada.”

Jesus Guys 26:19

“So den, King Agrippa, I wen do wat God tell me fo do.

Jesus Guys 26:13

Yoa Majesty, bout noon time I stay on da road, an I spock one light from da sky. Da light stay mo bright den da sun an flash all aroun me an my frenz.

Jesus Guys 7:48

But da God Dat Stay Mo Importan Den All Da Odda Gods, he no stay erytime inside one house dat peopo make. Jalike da guy Isaiah dat talk fo God, tell, “Da One In Charge tell,

Daniel 6:22

My God wen sen his angel messenja guy fo make da lions no bite me. Dey no touch me notting, cuz God see me dat I neva do notting wrong. An I neva do notting wrong to you too, King Darius.”

Daniel 4:32

Da peopo goin make you go way from dem an make you stay wit da wild animals. You goin eat grass jalike da cows. Afta seven year pass, you goin know dat da God Dass Mo Importan Den All Da Odda Gods get da right fo tell all da govmens in da world wat dey gotta do. He can make whoeva he like come da king fo dem.”

Daniel 4:2

“I like tell you guys bout da God Dass Mo Importan Den All Da Odda Gods, an da awesome an unreal tings he wen do fo me. I figga az good fo me tell you guys bout all da stuff he teach me.

Sad Song 3:38

Get bad kine tings an good kine tings dat happen, Cuz da God Dass Mo Importan Den All Da Odda Gods, tell wat goin happen.

Sad Song 3:35

If peopo get da right fo do stuff In front da God Dass Mo Importan Den All Da Odda Gods, But odda peopo take away dea rights, You tink da Boss no see dat?!

Jeremiah 27:7

All da diffren peopos goin come work fo him, an his boy, an his grankid. But den, da time goin come fo odda peopos an strong kine kings fo take ova his country Babylon, an make him an his peopo work fo dem.

Songs 92:8

But you, you Da One In Charge, An you stay Da mos importan one foeva!

Songs 47:2

Da One In Charge, He da mos awesome one! You betta come sked a him! He da main king guy Ova da whole world.

Songs 9:2

I like dance an sing cuz I stay tight wit you. I like tell good tings bout you Cuz I know who you: Da God Dass Mo Importan Den All Da Odda Gods.

Songs 7:17

I goin tell erybody dat Da One In Charge, he da bestes Cuz he do da right ting erytime! I goin sing so peopo know wat kine god him, Da One In Charge, da God Dass Mo Importan Den All Da Odda Gods!

Rules Secon Time 32:8

Da God Dass Mo Importan Den All Da Odda Gods, Wen he split up all da diffren peopos An give all dem dea land, He make one place fo ery peopo, An fo da Israel peopo, he give enuff land fo all da peopo.

2 Kings 25:28

Amel-Marduk talk nice to Koniah, an make one spesho place fo him fo sit down, fo show Koniah get mo plenny respeck den da odda kings dat stay wit Koniah cuz dey prisonas too, inside Babylon.

Jeremiah 25:9

I goin call all da peopos from da north fo come togedda. I goin call King Nebukadnezzar fo come too from Babylon. He do my work fo me, an I goin bring him an da odda peopos agains dis land an da peopo dat live hea, an agains all da peopos aroun hea. I goin wipe dem all out, jalike oua peopo wipe out one animal wen dey make one sacrifice. Dass how I goin make erybody come shock an shake dea head, an come real sore inside cuz a dem. No goin get notting dea, all da time afta dey come wipe out.

Jeremiah 27:5

Me, Da One In Charge, I wen make da world, all da peopo, an da animals dat stay on top da earth, cuz I get plenny powa an I use um how I like. I give my powa to anybody I like.

Ezekiel 31:11

Cuz da Egypt peopo stay do real bad kine stuff, I turn her ova to one nation dat stay in charge a all da odda nations fo dem handle her. I awready wen kick out dat tree!

Daniel 4:34

“Afta da seven year, me, Nebukadnezzar da King, wen look up to da One inside da sky. Den I start fo tink one mo time. I tell bout da God Dass Mo Importan Den All Da Odda Gods, how he do good tings fo me! “I tell good tings bout da One Dat Stay Live Foeva, An I tell dat he stay awesome, An he goin stay king foeva! He get da right fo stay in charge Ova all da peopo dat live today An ova all da peopo dat goin live bumbye.

Daniel 5:21

Da peopo no let him stay wit dem no moa. He get da head fo tink jalike one animal. He live wit da wild donkeys, an eat grass jalike da cows. His body come wet wit da dew from da sky. Afta dat, he find out dat da God Dass Mo Importan Den All Da Odda Gods get da powa fo stay in charge a all da peopo dat come king inside da world, an he make whoeva he like come king.

Daniel 4:19

Wat da king tell wen throw me Daniel off, an I no can figga an I come real bum out. Az why Nebukadnezzar, tell me, “Belteshazzar, no let da dream o wat da dream mean make you sked.” Me Belteshazzar tell, “Boss, I like if da dream ony tell bout da peopo dat hate you, an if da dream ony talk bout da peopo dat stay agains you. But az not how goin be. Dis dream, az bout you!