Daniel 11:27 - Hawaii Pidgin Bible

²⁷ Den da two king guys goin sit down at da same table an eat togedda. But inside dem, dey stay plan fo do bad kine stuff to each odda. Dey goin bulai each odda. But dea plans no goin come out good fo dem, cuz still yet all dis goin come pau ony wen God tell az time fo come pau.

Daniel 11:27 交叉參考

Songs 12:2

Da peopo talk real nice kine Fo bulai peopo, Dey tell one ting, But dey no mean dat.

Habakkuk 2:3

Wat I goin show you, Gotta wait fo da right time. Az da trut bout da end. No matta how slow, wait fo um. Goin happen fo shua, but not late. Goin come wen come.

Daniel 11:35

Some a da leada guys dat undastan how come all dis stay happen, dey goin suffa. Az goin be jalike one tes fo da peopo fo make um come clean inside, an no mo notting bad goin stay wit dem. Goin stay lidis till jus da right time.

Songs 64:6

Dey make one plan fo do Real bad kine tings, an tell, “Us guys wen plan um out real good!” Fo shua, real sly kine Wat peopo tink, you know!

Daniel 11:40

“Wen dat time pau, da Egypt king south side goin try fo push back da Syria king north side. But da Syria king guys goin wack da Egypt king guys jalike one big hurricane, wit war wagons, horse rida guys, an plenny boats. Dey goin attack plenny diffren lands an go thru dem jalike one big flood.

Daniel 8:19

He tell, “I stay hea fo help you undastan wass goin happen bumbye, wen God goin show dat he stay real huhu an tell ‘Laytas’ to wat peopo do. Wat you wen see, goin happen litto bit befo da time da world end.

Smart Guys 26:23

Wen somebody talk nice to you, Jalike eryting stay okay, But inside, dey like hurt you, Az jalike wen peopo put da junks from melt silva All ova one clay pot Fo make um look fancy kine, But still, az ony one clay pot.

Smart Guys 12:20

Da guys dat make plan Fo do bad kine stuff, Dey make lidat cuz dey like bulai peopo. But da peopo dat work hard Fo make tings go good fo erybody, Dey goin feel all good inside!

Songs 58:2

Fo shua, inside yoa head, You tink how fo do bad kine tings. Dat make you guys ready Fo bus up peopo all ova da world.

Songs 52:1

Eh, you tough guy! How come you talk big Wen you do bad kine stuff?! (But God stay tight wit me All da time.)

1 Tessalonika 5:1

My braddahs an sistahs, you guys no need me fo write you guys bout da day o da time wen all dis stuff goin happen.

Jesus Guys 17:31

He set up one day wen he goin judge erybody inside da world. He goin sen one guy fo judge um da right way. He show dat dis stay true cuz he bring dat guy back alive from mahke.”

Jesus Guys 1:7

He tell dem, “Not yoa kuleana fo know da time o da day da Faddah pick. He da One goin do dat.

Daniel 11:29

“Da time come wen God tell, da Syria king goin go agains da south one mo time, but dis time, goin come out diffren den befoa.

Daniel 10:1

Da year numba three wen Cyrus stay da king fo Persia, God give one message dat was secret befo time to Daniel (da guy anodda king wen call Belteshazzar). Wat God show Daniel, dat message stay true, an tell bout one big war. He undastan wat dat mean cuz he wen see um, jalike in one dream.

Ezekiel 17:9

“Tell da peopo, ‘Dis wat Da One In Charge, da Boss, tell: You guys tink da plant goin grow good, o wat? Fo shua, somebody goin pull out da roots now, an make all da fruits come off, an da plant goin dry up! Fo shua, all da fresh grapes dey jus pau pick goin dry up. No need powa o plenny peopo fo pull out dis one wit da roots.

Smart Guys 19:21

You can make plenny plan inside yoa head. But da plan dat Da One In Charge make fo you, Dass wass goin happen fo shua.

Songs 62:9

Da peopo dat not importan, Dey jalike da air. Da importan peopo, No can trus wat dey tell you. Wen dey breave, dat air mo heavy Den all dose peopo togedda.

2 Samuel 13:26

Den Absalom tell, “Still yet, if you no go, den try let my braddah Amnon go wit us guys.” Da king aks him, “How come him?”

Daniel 11:28

“Wen da Syria king start fo go back his land, north side, he goin bring back rich kine stuffs he wen take from Egypt side. But he make up his mind fo jam up da spesho deal God wen make wit his Jew guys. He goin do wat he like do agains da deal wit God an den go back his land.

Daniel 8:17

Gabriel come nea da place wea I stay stan. I come real sked an fall down on top da groun in front him. He tell, “You one Fo Real Kine Guy, an you gotta undastan, dat wat you see in dis dream, tell bout da end a da world.”