Daniel 11:24 - Hawaii Pidgin Bible

²⁴ Wen erybody tink eryting stay good, dis guy goin take ova da places inside da districk wea da bestes kine food grow. He goin take ova lands, da ones his faddah an ancesta guys neva take ova. He goin take all kine stuffs from ova dea, an give his frenz all da rich kine stuffs dat he take away from da odda peopos. He goin make plan fo take ova plenny big towns dat get strong wall, an he goin do um one by one.

Daniel 11:24 交叉參考

Matthew 9:4

But Jesus know wat dey tink. He tell, “How come you guys tink bad kine stuff lidat?

Daniel 7:25

He goin grumble bout da God Dass Mo Importan Den All Da Odda Gods, An put presha on da peopo dat stay spesho fo God. An he goin try fo change Da regula times fo make sacrifice An change da rules from God. He goin get powa Ova da peopo dat stay spesho fo God Fo three an a half year.

Ezekiel 38:10

“Dis da message from Da One In Charge, da Boss: Dat time you, Gog, goin start fo figga an make plan fo do real bad kine stuff.

Smart Guys 23:7

Cuz dat kine guy, Wen he tell you, “Eat up! Drink plenny!” Inside him, he tink all da time, “How much I gotta pay fo dis guy, aah?” He no tink bout you.

Smart Guys 19:6

Plenny peopo try make nice nice to all da alii guys, An erybody like come fren wit da guys dat give um one present.

Smart Guys 17:8

Wen somebody give money unda da table To one guy dat he tink can help him, Da guy dat give da money tink Da odda guy goin change his mind. An he tink Da money jalike magic, Fo make da odda guy do someting.

Nehemiah 9:25

Dey take ova towns dat get strong wall, An da bestes kine lands. Dey take ova plenny houses Dat stay full wit all kine good stuff. Dey take ova da holes da odda peopos wen dig Fo keep watta inside, An grape farms, an olive farms, An trees wit fruits fo eat. So oua peopo wen eat plenny an come full, An even start fo come fat. Dey party up cuz dey feel real good Bout all da good tings you do fo dem.

Local Leadas 9:4

Dey give him twenny-eight ounce silva from da Baal-Berit temple. Abimelek use da silva fo pay some no good buckaloose guys fo back him up.

Census 13:20

Wat kine dirt? Da kine can grow plenny stuff o not? Get trees o not? Try bring back some fruits from da land. (Was da time fo da firs ripe grapes.)”

Ezekiel 34:14

I goin take kea dem inside da good grass land. Da high Israel mountains, az wea dey goin eat. Az da good land dat get plenny grass wea dey goin lay down inside, an dass da place wea dey goin eat plenny, on top da Israel mountains.

Daniel 11:23

He goin make all kine promise to da peopo fo help dem an dey goin make one promise fo help him. But afta he do dat, he goin bulai dem. Az how he goin come mo an mo strong wit ony litto bit peopo fo help him.