Daniel 11:22 - Hawaii Pidgin Bible

²² Den he goin wipe out one mangus army, an take da powa from da pries guy dat stay in charge a da deal God wen make wit his peopo.

Daniel 11:22 交叉參考

Daniel 11:10

Da Syria king boys goin make ready fo make war, an put togedda one big army dat know how fo fight good. Dey goin attack da king fo da south, jalike one big flood dat nobody can stop. Dey goin fight all da way to da main place dat get strong wall wea da Egypt king stay.

Daniel 9:26

“Afta da sixty-two times seven year, somebody goin kill da one dat God wen pick. He no goin get nobody his side. Goin get one leada dat goin come wit his army. Dey goin wipe out Jerusalem town an da Temple dat stay spesho fo God. Den da end goin come quick, jalike wen one flood come. Goin get war till da end, an erybody goin bag an eryting goin come wipe out.

Daniel 8:25

He goin know how fo bulai peopo. He goin tink he mo betta den erybody. Wen peopo tink eryting stay okay, he goin wipe out plenny a dem. An he even goin go agains da King ova all da king guys. But goin get somebody dat goin smash him, an whoeva do dat no goin be one guy.

Nahum 1:8

But he goin wipe out da Nineveh peopo, Jalike wen one big flood come. He goin chase da peopo dat stay agains him, An make dem run inside one dark place.

Amos 9:5

“Da One In Charge a me, Da God Dat Stay In Charge Ova All Da Armies, Wen he touch da world, jalike da world melt, An erybody dat stay live inside da world come real sad. Da land move up an move back down Jalike da Nile Riva Egypt side.

Amos 8:8

So, wat? You tink da groun goin shake Cuz a all dat bad kine stuff? Fo shua, goin shake! You tink erybody dat live inside dat land Goin cry plenny? Fo shua, dey goin cry plenny. Da whole land goin move up an shake An den move back down Jalike da Nile Riva, Egypt side.”

Isaiah 28:15

You Jerusalem guys talk big! You guys tell, “Us guys wen make one deal fo us no mahke. We get promise fo no go da Mahke Peopo Place! Wen da army guys come hea, No matta dey go all ova jalike da big watta, Dey no goin come wea us guys stay. Cuz us guys know how fo bulai dem So dey no goin hurt us. We no goin tell um da trut, An dass how we goin stay outa trouble.”

Daniel 11:23

He goin make all kine promise to da peopo fo help dem an dey goin make one promise fo help him. But afta he do dat, he goin bulai dem. Az how he goin come mo an mo strong wit ony litto bit peopo fo help him.