Daniel 11:17 - Hawaii Pidgin Bible

¹⁷ Da Syria king goin make up his mind fo go south side wit all da powa he get cuz he da king. He goin make one deal fo no fight da Egypt king. He goin give one Syria wahine fo da Egypt king marry. He do dis cuz he stay plan fo use her fo wipe out da Egypt land. But da deal da Syria king stay make no goin work, an da plan no goin help him.

Daniel 11:17 交叉參考

Ezekiel 4:7

Make jalike you one army guy dat goin attack Jerusalem town fo take um ova. Show dem yoa powa, jalike one army guy dat ready fo beef. Go talk fo me, an tell da Jerusalem peopo wat bad kine stuff goin happen to dem.

Ezekiel 4:3

Den get one flat iron plate an stan um up fo Jerusalem town stay one side an you da odda side. Make jalike dat iron plate one iron wall. Den look strait at um, an make jalike you goin try take ova Jerusalem town. Wen da Israel ohana peopo see dat, dey goin tink bout how I goin go agains dem.

2 Kings 12:17

Bout da same time, Hazael da Aram king go up attack Gat an take ova da town. Den he turn aroun fo go afta Jerusalem.

Rome 8:31

So den, wat you tink bout all dis? God stay fo us guys to da max. Cuz God stay lidat, who goin go agains us? No mo nobody!

Luke 11:23

“If you no stay wit me, den you stay agains me. Da guy dat no work wit me, he ony work agains me.”

Luke 9:51

Da time stay nea wen Jesus goin go up to da sky, an he make up his mind fo go Jerusalem.

Matthew 12:30

If you no stay wit me, den you stay agains me. Da guy dat no work wit me, he ony work agains me.

Daniel 11:19

So afta dis, da Syria king goin back to da strong wall inside his land. But bumbye he goin come weak, so dat nobody goin worry bout him an no goin see um one mo time no moa.

Daniel 9:26

“Afta da sixty-two times seven year, somebody goin kill da one dat God wen pick. He no goin get nobody his side. Goin get one leada dat goin come wit his army. Dey goin wipe out Jerusalem town an da Temple dat stay spesho fo God. Den da end goin come quick, jalike wen one flood come. Goin get war till da end, an erybody goin bag an eryting goin come wipe out.

Ezekiel 25:2

“Eh! Fo Real Kine Guy! Face da land wea da peopo dat come from Ammon live an talk fo me agains dem.

Ezekiel 17:17

Pharaoh, da Egypt king, get one big strong army. But all dose guys no goin help da Judah guys wen dey fight one war, cuz da Babylon guys goin pile up dirt fo make ramp fo go ova da Jerusalem town wall an kill plenny peopo.

Smart Guys 19:21

You can make plenny plan inside yoa head. But da plan dat Da One In Charge make fo you, Dass wass goin happen fo shua.

Songs 56:9

Den bumbye, wen I yell fo help, Da guys dat stay agains me Goin turn aroun an run away. I know dis: God stay on my side.

2 Records 20:3

Jehoshafat come sked. He make up his mind fo go in front Da One In Charge an aks him wat goin happen. An he tell all da Judah peopo fo skip food wen dey pray.

Habakkuk 1:9

Dea army come fo bus up erybody. All dea guys togedda come fas Jalike da wind dat come from da boonies. Dey catch plenny prisonas, Jalike da plenny sand on top da beach.