I jalike da gate. If anybody trus me, God goin take um outa da bad kine stuff dey stay in, an let um go. Dass jalike dey goin go inside God place thru da gate, az me. An dey goin go wea eva dey like go an find food fo eat.
Da One In Charge tell: “I goin help you undastan An show you da way you suppose to go. I goin tell you wass da bestes ting fo you fo do, Cuz I stay watch out fo you.
Dey no goin come hungry o thirsty. Da hot an dry sun no goin burn dem. Me, Da One In Charge, da One dat get love an aloha fo dem, I goin give dem chance, An show dem wea fo go, An bring dem wea get pukas fo watta.
Afta da Israel peopo stay inside da boonies Sin side, dey all go way from dea togedda. Erytime Da One In Charge tell um fo stop one place, dey make camp dea. One time, dey camp Refidim, but ova dea no mo watta fo drink.
No matta da cloud stay ova da Tent fo two days, o one month, o one year, dass how long da Israel peopo stay wea dey make camp, an no go way from dea. But wen da cloud go up, den dey start fo go.
