Census 7:43 - Hawaii Pidgin Bible

⁴³ His present was one silva plate dat weigh bout three an one quarta poun; one silva bowl fo sprinkle blood dat weigh bout one an three quarta poun, dey weigh um jalike fo da Place Dat Stay Spesho Fo God. Dey stay fill up wit fancy kine flour mix wit olive oil, fo make one wheat kine sacrifice;

Census 7:43 交叉參考

Prieses 14:10

“Day numba eight he gotta bring two boy kine bebe sheep, an one girl kine bebe sheep, dat ony stay one year ol, an no mo notting wrong wit um. He gotta bring six quart fancy kine wheat flour, mix wit olive oil, fo make one sacrifice wit wheat, an bout one pint olive oil.

Prieses 2:5

If you cook da wheat sacrifice in one pan, gotta make um wit da bestes kine flour, mix wit olive oil, an no mo yeast.

1 John 2:27

But you guys get powa from da Good An Spesho Spirit. He awready stay inside you guys, so you guys no need nobody fo teach you. God Spirit stay teach you guys bout eryting, an wat he teach stay true. He no bulai nobody. So, stay tight wit him, jalike he wen teach you guys fo do.

Hebrews 1:9

You stay plenny good inside wen peopo do da right ting, An wen peopo broke da Rules, you had it wit dat. Az why you da one I wen pick from all da guys dat stay by you. Az why I put olive oil on top yoa head fo show dat you da King, An dat you feel mo betta inside Den anybody!”

Matthew 14:8

Her muddah tell her, “Try go aks fo John Da Baptiza head on top one big plate!” So she go do wat her muddah tell her fo do.

Census 7:44

one gold dish dat weigh bout four ounces an stay fill up wit incense;