Census 32:14 - Hawaii Pidgin Bible

¹⁴ “So hea you guys stay now, braddahs dat do bad kine stuff. You stay ack hea jalike yoa faddah guys wen ack. You guys goin make Da One In Charge come even mo mad still yet wit you Israel peopo!

Census 32:14 交叉參考

Luke 11:48

So you show you figga dass good, wat yoa ancesta guys wen do. Dey wen kill da guys dat talk fo God, an you guys make dea tombs!

Ezekiel 20:21

“You know awready, dat whoeva lissen wat I teach, dey goin get da real kine life wen dey do um. But even da kids go agains me. Dey no follow da rules I wen make. Dey no live da way I wen tell you guys fo live. Dey no follow wat you tell um bout wass right an wass wrong. An da kids make da days dat stay spesho fo me come pilau. Az why I wen tell dat I goin show how mad I stay agains dem. Cuz a eryting dey do, dat time I stay ready fo wipe um out ova dea inside da boonies.

Isaiah 57:4

Who you talk about wen you make fun a dem? Who you make ugly face at An stick out yoa tongue? Yoa faddah-muddah guys stay go agains erybody! Dey ony bulai peopo.

Isaiah 1:4

Ho! Erybody from inside dea Stay do plenny bad kine stuff, Gotta punish um fo teach um. Dem an dea braddahs, dey no do right kine stuff, Dey da kine peopo dat like bus up eryting! Dey go way from Da One In Charge. Dey hate da God fo da Israel peopo dat stay good an spesho. Jalike dey no like lissen an stay turn dea back on him.

Songs 78:57

Jalike dea ancesta guys, Dey wen bag from God An neva stay tight wit him. Az why God no can trus dem. Dey jalike one bow dat no shoot strait.

Job 14:4

Wen get somebody dat no mo da right fo go in front you, No mo nobody can give um dat right, ony you.

Nehemiah 13:18

You guys stay make jalike yoa ancesta guys. Az why God wen wipe out all us guys an bus up oua town! An den, you guys like make God mo plenny huhu wit us Israel guys, cuz you stay ack jalike da Res Day da same, jalike da odda days!”

Ezra 10:10

Den Ezra da pries guy stan up an tell dem, “You guys wen do one bad ting, so God no can trus you. You guys go marry wahines from da odda peopos dat donno God. Az why now God stay ready fo punish us Israel guys one mo time!

Start 8:21

Da One In Charge, he smell da nice smell from da sacrifice an he stay good inside. He tell, “Dis da las time I goin make one bad ting happen to da groun cuz a da peopo. Cuz from small kid time, weneva da peopo make one plan, dey ony like do bad kine stuff. But I no goin wipe out eryting dat stay alive one mo time, da way I wen do um dis time.

Start 5:3

Adam, afta he live 130 year, he get one boy dat jalike Adam, jalike da boy one picha a Adam. Dass da one, Adam give um da name Seth.

Census 32:15

So if you guys tell laytas an no stay tight wit Da One In Charge, he goin make all dis peopo stay inside da boonies one mo time, an you guys goin get da blame fo wipe out all dem!”

Rules Secon Time 9:24

You guys no like do wat Da One In Charge tell you fo do, from da firs time I know you guys.

2 Records 28:13

Dey tell, “You guys betta not bring dose prisona guys ova hea! Cuz you know, we goin get da blame fo dat in front Da One In Charge. You guys wen tink fo give us even mo blame awready! An us awready get plenny blame, an Da One In Charge stay real huhu wit us Israel guys!”