Census 31:2 - Hawaii Pidgin Bible

² “Pay back da Midian guys fo wat dey wen do to da Israel peopo. Afta dat, you goin mahke an go by yoa ancesta guys.”

Census 31:2 交叉參考

Census 27:13

Afta you see da land, you goin mahke an go by yoa mahke peopo, jalike yoa braddah Aaron.

Jesus Show 6:10

Da peopo spirits talk loud, an tell, “Eh, you Da One In Charge! You get all da powa! You spesho, an you tell da trut! How long mo we gotta wait till you come fo judge all da peopo hea on top da earth an punish dem? Cuz dey wen kill all us guys!”

Local Leadas 2:10

Afta all da peopo dat stay alive dat time mahke, dea kids grow up. But dey donno Da One In Charge, an donno wat he wen do fo da Israel peopo.

Jesus Show 19:2

God, he da Judge. He ony tell da trut, An do wass right! He wen punish da big hoa Cuz she wen make da peopo inside da world Do real bad kine stuff, jalike her. He wen punish her Cuz she wen kill da peopo dat work fo God.”

Jesus Show 18:20

Den I hear dis: “Eh! All you peopo dat stay wit God inside da sky, Stay good inside bout wat wen happen! God spesho peopo, an da guys dat God wen sen all ova, An da guys dat talk fo God, Stay good inside! Da Babylon peopo wen make any kine to you guys, But God wen come fo judge dem!”

Hebrews 10:30

Cuz we know da One dat wen tell dis inside da Bible: “I da One dat goin pay dem back. I goin punish um fo real kine.” An anodda place God tell dis: “God goin be da Judge fo his peopo.”

1 Tessalonika 4:6

Az why fo all dis kine stuff bout da guys an da wahines, you guys betta not go buckaloose an cheat yoa braddah o sistah. Cuz Da One In Charge, he goin punish you guys if you do dat kine bad kine stuff. Dass jalike we wen tell you guys befo time. We wen tell you guys fo real kine, “You guys betta not fool aroun nobody!”

Rome 13:4

Cuz da govmen guys in charge, dey da ones dat God wen pick fo help you. But if you do bad kine stuff, mo betta you stay sked! Dey da ones dat get da powa ova you fo make shua you get punish. Dose govmen guys, dey jalike helpa guys fo God, fo punish da peopo dat do bad kine stuff. Cuz da bad kine stuff dat peopo do, God tell “Laytas” to dat.

Rome 12:19

You my good frenz, so no go afta somebody fo pay um back wen he hurt you. Mo betta you wait, an let God take kea him, cuz God tell “Laytas” to wat dat kine peopo do. Da One In Charge wen tell dis befo time inside da Bible: “I da One dat pay back da peopo Fo do bad kine stuff.” Dass wat Da One In Charge tell.

Jesus Guys 13:36

“David, he work fo do wat God like him fo do wen he stay alive, an den he mahke. Dey bury him wit his ancesta guys, an his body come rotten.

Luke 21:22

Cuz da time stay dat dey gotta suffa plenny, jalike da Bible tell.

Nahum 1:2

Da One In Charge, da Boss, He one jealous God. He no like fo peopo pray to odda gods. He pay back peopo fo wat dey do. He stay real huhu. Fo shua, he pay back da peopo dat stay agains him. He had it wit wat da peopo do dat go agains him.

Isaiah 1:24

Dass why dis wat Da One In Charge, da Boss, tell. He da God Ova All Da Armies, Da Strong One dat help da Israel peopo. Az wat he tell: “I goin fight an win Ova erybody dat go agains me, Fo dem no bodda me no moa! I goin pay back erybody dat stay agains me.

Local Leadas 16:24

Wen da peopo see him, dey talk good bout dea god. Dey tell, “Oua god wen let us catch da guy dat stay agains us, Da guy dat wen wase oua land an kill plenny peopo.”

Rules Secon Time 32:35

Wen dat time come, I da One goin afta da peopo fo pay um back fo da bad tings dey do. Wen da right time come, jalike dea feets goin slip. Da time fo wipe dem out Stay come pretty soon. An dey goin mahke real fas.”

Census 31:3

Az why Moses tell da peopo, “Make ready some a yoa army guys fo go fight da Midian guys, fo Da One In Charge pay dem back fo wat dey wen do.

Census 25:6

Right den an dea, get one Israel guy dat bring one Midian wahine by his frenz. He do um right in front Moses an all da Israel peopo, wen dey stay cry by da place fo go inside da Tent Fo Da Peopo Meet Wit God.

Census 20:26

Take off da Main Pries kine clotheses from Aaron, an put um on top his boy Eleazar. Cuz Aaron goin mahke ova dea.”

Census 20:24

“Aaron goin mahke hea. He no goin go inside da land I give da Israel peopo, cuz you two guys wen go agains wat I wen tell you fo do, bout da watta Meribah side.

Outa Egypt 2:16

Had one guy dat was pries fo da Midian peopo. He get seven daughtahs. Ery day, da daughtahs go by da puka wea da watta come out. Dey pull up watta outa da puka an fill up da trough fo give watta to dea faddah guy sheeps an goats.

Start 25:17

Da places wea da Ishmael boys go fo live start from Havilah an go all da way to Shur nea da Egypt land, wea you go Ashur side. But Ishmael, he live da east side a all his ohana guys. Dass da Ishmael story, how was da time Ishmael live. He live 137 year. Den he mahke an he go da same place his ancesta guys wen go.

Start 25:8

Abraham get eryting he like, an he feel good inside. He live uku plenny year an he stay good inside. Den he mahke. He go da same place his ancesta guys wen go.

Start 15:15

But befo all dat happen, you goin be mahke an bury awready wen you real ol. You goin go wea yoa ancesta guys stay dat wen mahke awready, an all dis no goin bodda you.

Census 25:1

Da time da Israel peopo stay inside Koa Tree Town, da Israel guys start fo fool aroun wit da Moab wahines.

Census 31:1

Da One In Charge tell Moses,

Rules Secon Time 4:22

Me, I goin mahke inside dis land. I no goin go da odda side a da Jordan Riva. But you guys, you almos goin go ova dea, an take ova dat good land fo make um yoa property.