Census 24:24 - Hawaii Pidgin Bible

²⁴ Goin get big boats come from aroun Cyprus Islan. Dey goin win ova da Asshur peopo an da Eber peopo. But da Cyprus Islan boats goin come wipe out too, foeva.”

Census 24:24 交叉參考

Start 10:4

Da ohana dat come from Javan: Elishah, Tarshish (dass da Spain peopo), Kittim (dass da Cyprus Islan peopo), an Dodanim (dass da Rhodes Islan peopo).

Daniel 11:30

Da navy boat guys from da west side goin go agains him. An cuz a dat, da Syria king no goin like fight no mo an go back home. He goin talk real bad agains God spesho deal, an do any kine agains God. Wen he go home, he goin make nice an lissen da peopo dat no like God spesho deal.

Census 24:20

Den Balaam look wea da Amalek peopo stay. He tell dis spesho message from God: “Da Amalek peopo was numba one wit da odda nations, But bumbye dey goin come wipe out.”

John 11:48

If we let him stay do dis kine stuff, erybody goin go trus him jalike he dea king! An cuz a dat, da Rome army guys goin come an wipe out oua Temple an oua peopo.”

Matthew 24:15

“Daniel, da guy dat wen talk fo God befo time, he wen tell dat someting God hate plenny goin happen. Dat ting so horraz, goin make eryting come hamajang an make erybody bag from dea. Da ting goin stan inside da place dat stay spesho fo God. (Whoeva read dis, dey gotta watch out!)

Daniel 11:45

He goin put up his king kine tents wit da Mediterranean Sea makai side, an da nice looking mountain dat stay spesho fo God, mauka side. But den, he goin mahke, an no goin get nobody dea fo help him.”

Daniel 10:20

So he tell, “You know how come I stay come by you? Pretty soon I goin go back fo make war agains da bad spirit dat stay in charge a Persia. Wen I pau dea, den da bad spirit dat stay in charge a Greece goin come.

Daniel 8:21

Da hairy goat, dass da king guy fo Greece. Da big horn in da middo a his two eyes, dass da firs king fo dea big empire.

Daniel 2:45

Dass wat da big rock you wen see mean. But nobody wen broke dat rock outa da mountain—da rock dat broke da iron, da bronze, da clay, da silva, an da gold, in small piece. “Da mos importan God wen let you, da king, know wat goin happen bumbye. Da dream stay true, an you can trus wat I tell you bout da dream.”

Daniel 2:35

Den, da iron, da clay, da bronze, da silva, an da gold wen broke same time, all small pieces, jalike da junk kine stuff dat fall down on top da groun wea dey split da wheat from da junk kine stuff summa time. An da wind blow um all away, so no mo notting dea. But da rock dat wen smash da statue, come one big mountain, an fill up da whole world.”

Isaiah 23:1

Me, Isaiah, I get heavy kine stuff fo tell bout wat I see goin happen to da Tyre peopo: All you guys inside da boats dat go Spain side, Cry an yell cuz you stay sad inside. You guys no mo house now, No mo place fo da boats fo go in. Wen da boats come back from Spain An stop Cyprus Islan, Den somebody tell dem Dat Tyre town stay all bus up awready.

Start 14:13

Had one a da Sodom army guys dat run away from da place dey fighting. He go by Abram da Hebrew guy an tell wat wen happen. Dat time, Abram live nea da big trees wea Mamre, da Amor guy, live. Mamre, he get two braddahs, Eshkol an Aner. Da three Amor guys an Abram get one deal fo help each odda erytime.

Luke 20:24

“Show me one coin. Who dis guy on top da coin? An wass his name?”

Census 24:23

Den Balaam tell dis spesho message from God: “Bummahs! Who can stay alive wen God make all dis happen?!

Ezekiel 27:6

Dey take oak trees from Bashan Fo make da oars. Dey take da cypress wood from da Cyprus Islan coast Fo make da planks, an dey put ivory inside fo make um look nice.

Isaiah 10:5

God tell: “Bummahs fo you guys! I goin use da Assyria peopo jalike one club fo punish you, Cuz I stay huhu wit you Israel peopo, An I goin make da Assyria guys wack you!

Isaiah 10:12

Wen God my Boss pau all he goin do on top Mount Zion inside Jerusalem town wea da Temple stay, den God goin tell, “Now I goin punish da king fo Assyria, cuz he get big head an high nose.