Census 22:5 - Hawaii Pidgin Bible

⁵ he sen messenja guys fo go tell Balaam, Beor boy, fo come by him. Balaam stay Petor side dat time, nea da Eufrates Riva, wea he come from. Balak tell: “You know wat? One peopo come outa Egypt. Dey real plenny, dey cova all da land. Now dey stay nex to us guys.

Census 22:5 交叉參考

Rules Secon Time 23:4

Cuz wen you guys stay come outa Egypt, da Ammon peopo neva come out fo meet you guys wit bread an watta. An da Moab guys wen pay Baalam, Beor boy from Petor inside Aram-Naharaim fo put kahuna on top you guys.

Micah 6:5

“My peopo, No foget wat Balak wen tell Da king fo da Moab peopo, Dat he wen like put kahuna On top you guys! No foget how Beor boy Balaam wen ansa him, Dat Da One In Charge ony goin do good stuff fo you guys! No foget how you guys wen go from Koa Town to Gilgal, Wen me Da One In Charge do awesome stuff Fo help you guys go da odda side a da Jordan Riva. Den you goin undastan dat me, Da One In Charge, Stay do wass right fo you guys erytime.”

Joshua 24:9

Wen Balak, Zippor boy, da king fo da Moab peopo, make ready fo fight you Israel peopo, he sen fo Balaam, Beor boy, fo put kahuna on top you guys.

Jude 1:11

Wassamatta dem?! Dey goin get it! Dey goin go down da same road jalike Cain. Dey do any kine dey like do fo make money, jalike Balaam. Dey goin come wipe out, jalike wen Korah go up agains Moses.

Jesus Show 2:14

“ ‘But eh! I get dis agains you guys: You guys get peopo ova dea dat make jalike da guy Balaam wen do long time befo time. Dat guy wen teach King Balak how fo make da Israel peopo do bad kine stuff. He make um eat food da odda peopo awready give fo make sacrifice to da idol kine gods, an go fool aroun wit peopo dey no stay married to.

Joshua 13:22

(Da Israel guys wen kill Balaam wit swords too. Him Beor boy, da one dat know one ceremony fo find out wass goin happen bumbye.)

Census 23:7

An Balaam tell dis spesho message from God: “Balak wen bring me hea from da Aram land. He da king fo Moab. He call me from da mountains da east side a my land. He tell me, ‘Go come! Put kahuna on top da Jacob peopo fo me! Tell um how mad you stay wit dem!’

Songs 105:24

Da One In Charge Make his peopo come choke plenny. He make um come strong, Cuz dey mo plenny den all da peopo Dat stay agains dem.

Start 13:16

I goin give you choke plenny peopo dat goin come from you. Dey goin be all ova da place, jalike da dirt stay all ova da groun. You tink can count da choke plenny dirt on top da groun? No ways! Same ting, goin get choke plenny peopo dat goin come from you, an no can count um.

Outa Egypt 10:15

Da locust bugs cova all da groun, till ony look black all ova. Dey eat all da plants inside da fields, an da fruits from all da trees dat da hail neva hit. No mo green stuff from da trees an plants inside da field, all ova da Egypt land!

Census 31:8

Da five Midian kings, Evi, Rekem, Zur, Hur, an Reba, dey kill dem too. An dey kill Balaam, Beor boy, wit dea swords.

Rules Secon Time 23:5

But yoa God, Da One In Charge, get love an aloha fo you guys. Az why he no lissen Balaam. He take da bad ting Balaam like do an make um come good fo you guys.