Census 22:20 - Hawaii Pidgin Bible

²⁰ Dat nite God come by Balaam an tell um, “If dese guys come hea fo get you fo come wit dem, az okay, go wit dem. But you ony can do wateva I goin tell you fo real kine fo do!”

Census 22:20 交叉參考

Census 24:13

‘No matta Balak give me his palace fill up wit silva an gold, I no can do notting good o bad, but ony wat Da One In Charge tell me fo do. I gotta tell ony wat he tell me fo tell.’

Census 23:26

Balaam tell um, “Eh! I wen tell you awready, I gotta do eryting Da One In Charge tell me fo do.”

Census 23:12

Balaam tell um, “Eh! I gotta make shua fo tell ony wat Da One In Charge put inside my mout, you know!”

Census 22:35

Da angel from Da One In Charge tell Balaam, “Go wit da guys, but you tell ony wat I tell you. Dass wat you goin tell!” So Balaam go wit da prince guys from Balak.

Hosea 13:11

So, cuz I wen stay huhu, I give you one king. Den I come real huhu one mo time, an take him away.

Isaiah 37:29

Cuz you stay mad agains me, An I hear how big head you get Cuz you tink you mo betta den me, Me, Da One In Charge, goin make you my prisona Fo do wateva I like you fo do, Jalike I put one hook inside yoa nose, An one bit inside yoa mout, jalike you one horse. An I goin make you go back yoa place On top da same road wea you wen come from.’ ”

Songs 81:12

Me, I let dem do wat dey goin do Cuz dey hard head An dey ony like do Wateva dey tink good fo dem.

Census 23:16

Da One In Charge meet wit Balaam, an put da message in his mout. Da One In Charge tell um, “Go back by Balak, an tell him da message.”

Census 23:5

Da One In Charge put some words in Balaam mout fo tell Balak. He tell Balaam, “Da words I give you jus now fo tell Balak, go back by Balak an tell um dat.”

Census 22:19

Now stay ova hea tonite, jalike da odda guys wen do. Maybe I goin find out odda stuff dat Da One In Charge goin tell me.”

Census 24:4

I hear da word dat God tell. I see someting jalike one dream From Da God Dat Get All Da Powa. I go down in front dat God An see tings real good:

Jeremiah 1:7

But Da One In Charge, he tell, “No talk lidat, ‘I ony one young guy!’ Cuz you gotta go talk to erybody I sen you fo talk to, an you gotta tell dem wateva I tell you fo tell um.