Census 21:8 - Hawaii Pidgin Bible

⁸ Da One In Charge tell Moses, “Make one ting dat look jalike one poison kine snake, an put um on top one high pos. Wen da snakes bite somebody, da peopo can look da snake statue on top da pos, an goin stay alive.”

Census 21:8 交叉參考

John 3:14

“You know, long time befo time inside da boonies, Moses put one snake on top one pos fo erybody look um an come good. Da same ting gotta happen to me, da Fo Real Kine Guy. Dey goin put me on top one cross,

Songs 145:8

Da One In Charge, he real good Fo give peopo chance. He get choke pity fo dem. He no come huhu real fas. He stay tight wit his peopo foeva.

2 Kings 18:4

Hezekiah da one dat wen take away da sacrifice places on top da hills, smash da big kapu stones fo da odda gods, an cut down da poses fo da wahine god Asherah. He broke in small kine pieces da bronze snake dat Moses wen make, cuz till dat time da Israel peopo wen burn incense fo da bronze snake jalike az was one idol kine god. (Dey call um Nehushtan, Da Snake God.)

Isaiah 14:29

Eh! All you Filisha peopo! You betta not stay good inside cuz you tink lidis, “Da king fo da Assyria peopo dat wen bus us guys up, He mahke, an now dey no mo powa!” But da king guys dat goin come Afta da Assyria king mahke Goin be mo worse den him! Cuz jalike you kill one snake, Anodda snake goin come from da firs one Dat can kill you wit poison. An you kill dat one, An goin get anodda snake come from dat one Dat can fly an catch you an bite you.

Isaiah 30:6

I get real bad stuff fo tell bout wat I see goin happen wit da animals da peopo use fo cross da boonies in da Negev, from Judah to Egypt: “Da Judah peopo going thru da Negev land Wea erybody get hard time An suffa plenny. Get plenny lions ova dea. Get all kine snake dat can kill you, An da kine snake dat you no see um an come out bite you An make you feel jalike you stay burning up. Da Judah peopo take dea rich stuffs dea On top donkeys an camels, Fo pay da Egypt peopo fo help dem. But da Egypt peopo no goin do notting good fo dem!

Isaiah 45:22

“All you peopo from da mos far places all ova da world, Turn aroun an come by me Fo me get you guys outa trouble, Cuz I God. No mo anodda god, ony me.