Census 15:31 - Hawaii Pidgin Bible

³¹ Dat guy ack jalike wat Da One In Charge tell no mean notting fo him, an stay broke his rules. Dass why you guys gotta cut him off from his peopo fo shua. He get da blame still yet.”

Census 15:31 交叉參考

Smart Guys 13:13

Da peopo dat no kea an no lissen, Dey goin come wipe out cuz dey make lidat. Da peopo dat try fo make shua dey do wat dey suppose to, Eryting goin come good, Dass how God goin pay dem.

2 Samuel 12:9

Me, Da One In Charge! I tell peopo wat dey gotta do an wat dey gotta no do. So! How come you ack jalike wat I tell no mean notting?! Da way I see um, dis ting dat you wen do, az real bad! You wen murda Uriah da Het guy, an steal his wife fo come yoa wife. Az jalike you use da Ammon guys sword fo kill him.

Ezekiel 18:20

Da guy dat do da bad kine stuff, ony him da one goin get cut off from me. Da boy no get da blame fo wat his faddah wen do. An da faddah no goin get da blame fo wat his boy wen do. Da guy dat do wass right, God goin give um credit fo dat. But da guy dat do wass bad, God goin tell da guy get da blame fo dat.

1 Tessalonika 4:8

So den, da guy dat tell “Laytas” to all dis stuff I stay tell you guys, az not jalike he tell “Laytas” to one guy, he tell “Laytas” to God! An God da One put his Spirit in charge a you guys. Dass da Spirit dat make you guys go all out fo God.

Songs 119:126

Eh! You Da One In Charge! You gotta do someting now, Cuz get guys dat stay broke yoa Rules.

Prieses 5:1

“If somebody do one bad ting cuz he no say notting wen da judge put kahuna on top erybody dat wen see someting happen o know wat wen happen, if dey no say notting. Den da guy get da blame cuz he no talk notting.

2 Peter 2:21

No good if you know da right way fo live, an den you change yoa mind an no do da good an spesho tings God wen tell you fo do. Mo betta fo you, if you neva know da right way da firs time.

1 Peter 2:24

Christ, he da One dat wen carry all da bad kine stuff us guys wen do on top his body wen he mahke on top da cross. He wen do all dat so us guys no gotta mahke fo da bad kine stuff we wen do. Now, we ony stay live fo do da right kine stuff. Christ wen bleed an mahke fo us guys come good.

Isaiah 53:6

We all go all ova da place jalike da sheeps. All us guys, we go wea we like go. But Da One In Charge, he let da guy dat work fo him Take da blame fo da bad stuff all us guys do.

Isaiah 30:12

Dass why da One dat stay good an spesho fo da Israel peopo tell dis: “You guys, you ack Jalike dis stuff I stay tell, no good! An you guys stay shua Dat you goin come out okay If you make hard fo peopo An bulai dem! Az how you guys tink.

Songs 38:4

I know you gotta punish me Fo wat I wen do, But I no can handle dat. Jalike I gotta carry someting Real heavy.

Prieses 26:43

No mo nobody goin stay dea on da land, cuz dey all go way from dea. Now, jalike da land goin feel good inside, cuz get da Res Years he suppose to get. Dey goin tell, az okay fo me punish dem cuz a da bad kine stuff dey wen do, cuz dey no like wen I make diffren kine to da good peopo an da bad peopo, an cuz dey no like wen I tell um wat dey suppose to do.

Prieses 26:15

Maybe you guys no like da tings I tell you gotta do. Maybe you guys get mad wen I make diffren kine to da good peopo an da bad peopo. An maybe you guys broke da deal I wen make wit you guys.

Songs 107:11

Az cuz dey wen go agains Da tings God tell um fo do. Da God Dass Mo Importan Den All Da Odda Gods Wen tell dem wass good fo dem do. But dey ack jalike Da One In Charge Donno notting!

Outa Egypt 30:33

Anybody go make da same kine oil outa da same kine stuffs, o anybody go put um on top some guy dat not one pries, gotta cut dem off from da Israel peopo an no let um stay wit you guys!’ ”

Census 9:13

But if get one guy dat can come in front me, an he no go anodda place, he ony no like come make da spesho religious kine ceremony, da Passova, you guys gotta cut him off from his peopo, cuz he no make da sacrifice fo me da right time. Dat guy goin get da blame fo da bad ting he wen do.

Rules Secon Time 17:12

Whoeva ack jalike dey no give a rip wat da main local leada guy o da pries guy tell um fo do, gotta kill um, cuz dey no lissen. Cuz da local leada guy an da pries guy work fo yoa God, Da One In Charge. You guys gotta throw out da bad kine stuff from da Israel land.

1 Samuel 3:14

Az why I wen make dis strong promise to da Eli ohana: ‘Da Eli ohana get da blame foeva, fo da bad kine stuff dey wen do, an I no goin let um go. No matta dey make da right kine sacrifice, I no goin let dem come pono wit me no moa.’ ”