Census 14:22 - Hawaii Pidgin Bible

²² An cuz az how I stay, I tell dis: Dese peopo wen see how awesome me. Dey wen see da awesome stuff I do inside Egypt an inside da boonies. An still, dey no lissen me, an dey tes me ova an ova!

Census 14:22 交叉參考

Job 19:3

Ten times awready you guys talk bad fo make me come shame, But you guys no shame fo attack me.

Songs 106:26

Den God put up his hand An make one strong promise Dat he goin make dem all Fall down an mahke, Ova dea inside da boonies.

Start 31:7

But him, he bulai me. Ova an ova, he change wat he pay me. “But God neva let him do notting fo hurt me.

Outa Egypt 32:1

Wen da Israel peopo see Moses stay on top Mount Sinai long time, dey tink, “How come dis guy Moses no come down from ova dea?!” So dey all come togedda in front Aaron, an tell um, “Make one idol god fo show us guys wea fo go. Cuz dat guy Moses, da one dat wen get us outa da Egypt land, we donno wat happen to him!”

Outa Egypt 17:2

Da peopo grumble to Moses. Dey tell um, “Give us guys watta fo drink!” Moses tell um, “Eh! How come you guys grumble to me? You no stay grumble to me, you stay grumble to Da One In Charge! How come you guys stay checking out Da One In Charge fo see if he can handle dis problem?!”

Hebrews 3:9

God tell, “Yoa ancesta guys wen tes me. Fo find out if I goin punish um. Den fo forty year dey see wat I do.

1 Corint 10:9

No good we try find out how much bad kine stuff us guys can do befo Da One In Charge punish us. Some a da peopo wen do dat, an God wen sen snakes ova dea fo bite um an wipe um out.

1 Corint 10:5

But God neva like how plenny peopo wen ack. Az why dey wen mahke, an dea bodies dey wen bury all ova da diffren places wea dey wen go.

Matthew 4:7

But Jesus tell, “Da Bible tell: ‘God, he Da One In Charge a you. So no try presha him fo make um show proof dat he God.’ ”

Malakai 3:15

So den, from now, us guys goin figga, ‘Da peopo dat ack jalike dey mo betta den all da odda peopo an no give a rip bout nobody, dey da ones dat stay good inside.’ Da peopo dat do wass wrong, dey da ones dat come rich! Even wen dey push God fo see if he goin punish dem, notting bad happen to dem!”

Songs 106:14

Inside da boonies, Dey wen crave Da kine food dey like. In da place wea nobody live, Dey wen tes God Fo see wat he goin do.

Census 14:11

Da One In Charge tell Moses, “How long dese peopo goin make to me jalike I no good? How long dey no goin trus me, no matta I do all kine awesome stuff in front dem fo show um wat kine god me?

Outa Egypt 14:11

Dey tell Moses, “How come?! Neva have enuff graveyard Egypt side fo bury us guys back dea, o wat?! So den, how come you bring us guys hea inside da boonies? Ony fo us mahke, o wat?! Wat you tink you stay do to us now, wen you take us guys outa Egypt?!

Start 31:41

Yeah, dass wat happen to me, da twenny year I stay wit you. I wen work fourteen year fo marry yoa two daughtahs, plus six year fo pay you fo da sheeps an goats. An den, you change my pay plenny times.

Outa Egypt 5:21

Da luna guys tell Moses an Aaron, “Eh! Mo betta Da One In Charge check out you guys an punish you guys! You da one stay make us guys jalike us pilau, in front da Pharaoh guy an all da palace guys dat work fo him! Jalike you give dem one sword an tell um az okay fo go kill us guys!”

Outa Egypt 15:24

Da peopo, dey grumble to Moses. Dey tell um, “So, wat we goin drink now?!”

Outa Egypt 16:2

Ova dea inside da boonies, all da Israel peopo grumble bout Moses an Aaron.

Outa Egypt 17:3

But da peopo dea, dey thirsty fo watta. Dey grumble to Moses, an dey tell um, “Eh! How come you bring us guys outa Egypt? Us stay real thirsty, we goin mahke! You like kill us guys, an oua kids, an oua sheeps an cows, o wat?!”

Outa Egypt 17:7

Da peopo give dat place da name Massah, cuz mean “Check Um Out.” Dey call um Meribah too, dat mean “Grumble,” cuz da Israel peopo wen grumble dea an check out Da One In Charge fo see if he can handle. Dey tell, “Fo real, Da One In Charge stay wit us guys, o not?”

Census 11:1

Da peopo start fo grumble bout da hard time dey stay get, an Da One In Charge hear dem. Wen he hear dem, he come real huhu. Den fire from Da One In Charge burn wea dey stay, an burn up some stuff aroun da outside a da camp.

Census 11:4

Da guys dass not Jew guys dat come outa Egypt wit dem start fo real kine like eat odda kine food. So one mo time da Israel peopo start fo cry, an tell, “If ony somebody give us guys meat fo eat!

Census 12:1

Miriam an Aaron start fo grumble bout Moses, cuz a da wahine he wen marry from Sudan. Cuz dass wat he wen do.

Census 14:2

All da Israel peopo grumble bout Moses an Aaron. Dey come togedda an tell um, “If ony us wen mahke Egypt side! O ova hea, mahke inside dese boonies!

Rules Secon Time 9:7

“Rememba an no foget, how you guys wen make God come real huhu inside da boonies, no matta he oua God, dass Da One In Charge a us. From da time you guys come outa Egypt till you guys come ova hea, you guys stay make Da One In Charge come huhu cuz you no like do wat he tell you fo do.

Songs 78:41

Ova an ova, dey wen tes God Fo find out wat he goin do. Dey wen make him come sore inside, Da One dass good an spesho Fo da Israel peopo.

Daniel 1:20

Wateva da king aks da young Israel guys, fo find out if dey know wat fo do erytime, an how come peopo do wat dey do, he find out dat dey know ten times mo den all da guys inside his whole Babylon land dat can tell wat da dreams mean, o dat can stop da bad kine tings dat happen to you wen somebody put kahuna on top you.

Census 32:12

But ony Caleb, his faddah Jefunneh da Keniz guy, an Nun boy Joshua, can go inside da land, cuz dey wen go all out fo stay tight wit me, Da One In Charge!’

Isaiah 42:20

No matta you see plenny stuff, You foget wat you see. No matta yoa ears stay open, You no hear notting.”