Census 12:8 - Hawaii Pidgin Bible

⁸ Wit him, I can talk strait. Wen I talk, I make shua he know wat I mean. I no hide wat I tell, not wit da hard fo undastan kine talk. He know how I look like, me, Da One In Charge. So den! How come you guys no sked Fo grumble bout my worka guy Moses?!’ ”

Census 12:8 交叉參考

Rules Secon Time 34:10

From dat time no mo nobody talk fo God da way Moses talk to da Israel peopo. Da One In Charge know Moses, jalike wen one guy stay talk wit his fren.

1 Corint 13:12

Right now, us guys can undastan stuff, but ony jalike us see someting in one junk kine mirror. Hard fo figga wat we see in dea. But bumbye, goin come clear. Us guys goin see eryting jalike stay right dea in front oua face. Right now, I ony know litto bit. But bumbye, I goin undastan eryting, jalike God undastan eryting bout me.

Outa Egypt 33:23

Den I goin take away my hand an let you see my back. But my face, you no goin see.”

Outa Egypt 33:11

Da One In Charge, he stay talk wit Moses, jalike wen one guy stay talk wit his fren. Afta, Moses go back da camp. But da young helpa guy fo Moses, dass Joshua, Nun boy, he no go way from inside da tent, he stay dea.

Luke 10:16

Jesus tell his guys, “Whoeva hear you, dey hear me too. Whoeva tell ‘Laytas’ to you, dey tell ‘Laytas’ to me too. Whoeva tell ‘Laytas’ to me, dey tell ‘Laytas’ to da One dat wen sen me.”

John 15:15

I no goin call you guys my worka guys no moa, cuz da worka guy no undastan wat his boss stay do. But I call you guys my frenz, cuz I wen tell you guys eryting dat my Faddah wen tell me.

2 Peter 2:10

An da peopo dat ony like do all da pilau kine tings dea body like do, God know how fo make dem suffa even moa. Dey like talk bad bout erybody dat get da right fo tell um wat dey gotta do. Da teacha guys dat bulai, dey get big head an no shame how dey ack. Dey no mo respeck, an dey no sked fo talk bad bout God an his awesome kine peopo inside da sky.

1 Timoty 6:16

He da ony One dat no can mahke. He real good, az why no can come nea him, Jalike one real strong light you no can look at. No mo nobody eva see him, An no mo nobody can see him fo real kine. You know, he da God erybody gotta get plenny respeck fo. He get all da powa foeva! Az it!

2 Corint 3:18

Az how he change us fo us come mo an mo jalike one awesome copy a Jesus. An oua face no stay cova up now, fo us show how awesome Da One In Charge stay. Da Spirit from Da One In Charge help us fo do dat.

John 15:24

I do da kine stuff in front dem dat no odda guy do eva. If I neva do dat, den dey neva know dey stay do da bad kine stuff. But now dey see me an my Faddah, an dey hate us two guys.

Songs 17:15

But me, I goin see you fo real kine Cuz I get um right wit you. Bumbye, wen I wake up, I goin see you right dea wit me, An dass goin be enuff fo me!

Jude 1:8

Same ting wit dem sneaky buggahs nowdays! Dey tell dat az okay fo dem do bad kine stuff wit dea body, jus cuz dey wen dream about um. Dey make deaf ear to da ones dat get da right fo be in charge a dem. An dey talk bad bout all da awesome angel guys.

Hebrews 1:3

God Boy, he show how awesome God stay, Jalike wen da sun stay shine in one mirror. He stay same same jalike his Faddah, Same same jalike one picha Fo show how da Faddah stay fo real kine. Da tings God Boy tell, get choke powa Fo make eryting hang togedda. Afta he pau throw out da bad kine stuff da peopo do Fo dem come clean inside, He go sit down up ova dea in da sky, On da right side nex to God Da Awesome King. Dass da spesho place fo show how importan he stay.

1 Tessalonika 4:8

So den, da guy dat tell “Laytas” to all dis stuff I stay tell you guys, az not jalike he tell “Laytas” to one guy, he tell “Laytas” to God! An God da One put his Spirit in charge a you guys. Dass da Spirit dat make you guys go all out fo God.

John 1:18

No mo nobody wen see God fo real kine. But ony dat Guy wen see um. No mo anodda guy jalike him cuz he God too. No mo nobody stay mo tight wit his Faddah den him. He da One dat wen show how God stay.

Matthew 13:35

He do um lidat fo make um happen jalike da guy dat talk fo God wen tell befo time, “I goin tell stories fo teach, I goin tell stuff dat nobody know From dat time wen God make da world till now.”

Ezekiel 20:49

Den I tell, “Eh! Da One In Charge, da Boss! Da peopo talk lidis bout me. Dey tell, ‘He ony tell da kine stories dat make him look smart but no mean notting!’ ”

Ezekiel 17:2

“Eh! Fo Real Kine Guy! Tell da Israel ohana peopo one story fo teach importan kine stuff fo make um tink.

Isaiah 46:5

Fo shua, no mo nobody jalike me! Who you goin tell, me an dem, same same? You tink get somebody you can tell I jalike dem, an dey jalike me? No way!

Isaiah 40:18

“If you guys like tell, ‘God, he jalike one guy,’ Den, who dat guy?! No moa! If you goin tell he look jalike someting, Den, wat da ting you guys tink he look jalike, Fo you look at him an da ting, togedda?! No moa!

Songs 49:4

I lissen real good to wat God teach. I play da harp wen I tell peopo Wat da stuff mean Dat stay hard fo figga out An make you tink plenny.

Rules Secon Time 4:15

“You guys neva see wat Da One In Charge look jalike, dat time he talk to you guys from inside da fire Mount Sinai side. Az why you guys gotta watch out,

Outa Egypt 20:4

“No make idol kine gods fo you dat look jalike someting from up dea inside da sky, o from down hea on top da earth, o from inside da watta dat stay undaneat da groun.

Colosse 1:15

Jesus stay jalike one picha Fo show how God stay, No matta we no can see God. Jesus da Numba One Guy In charge a eryting God wen make.

Census 14:14

den dey goin tell da peopo inside da Canaan land bout um. Dose peopo awready hear bout you, Da One In Charge. Dey hear you stay with dese Israel peopo. Dey hear dat da Israel peopo can see you, Da One In Charge, erytime yoa cloud stay ova dem, an wen you go in front dem inside one cloud dat go from da groun to da sky day time, an nite time one fire dat go from da groun to da sky.

Outa Egypt 34:30

Wen Aaron an all da odda Israel peopo see dat Moses face stay shine, dey sked fo go nea him.

Outa Egypt 33:19

An Da One In Charge, tell, “I goin show you eryting bout how good I stay. I goin let you hear wat my name ‘Da One In Charge’ mean. I goin do plenny good tings fo whoeva I like do um fo, an I goin show plenny pity fo whoeva I get pity fo.

Hebrews 1:1

Long time befo time, plenny time God sen guys dat talk fo him fo dem talk to oua Hebrew ancesta guys. Dey tell um plenny tings plenny diffren ways.

Start 32:30

Jacob give dat place da name Peniel, dat mean, “God face.” Cuz he tell, “I wen see God! I wen look his face, an I alive still yet!”

Rules Secon Time 5:8

“No make idol kine gods fo you dat look jalike someting from up dea inside da sky, o from down hea on top da earth, o from inside da watta dat stay undaneat da groun.

Smart Guys 1:6

Whoeva make lidat cuz dey read dis book, Dey goin undastan da importan kine tings An even da stuff dat da smart guys make hard fo figga out. Az da kine stuff fo make you tink plenny.

Hosea 12:13

But wen Da One In Charge bring da peopo dat come from Jacob outa Egypt, He sen one guy Moses dat talk fo him, An dass how he wen take kea all a dem.

Outa Egypt 19:19

Da sheep horn trumpet noise dey hear stay come mo strong erytime. Erytime Moses tell someting, God talk back to Moses, an soun jalike thunda.

Census 7:89

Erytime Moses go inside da Tent Fo Meet Wit God, fo talk wit Da One In Charge, he hear da voice stay talking to him from da middo a da two statues dat look jalike da tings dat stay alive an go ery place God go, ova da cova on top da Box Fo No Foget Da Deal. An Moses talk to him. Da cova stay fo make da peopo come pono wit God.

Rules Secon Time 18:15

But yoa God, Da One In Charge, goin bring one guy from yoa peopo dat talk fo him to you guys, jalike me. Him, da one you guys betta lissen.