Census 12:13 - Hawaii Pidgin Bible

¹³ So Moses call out to Da One In Charge fo help, “Try help, God! Make her come good!”

Census 12:13 交叉參考

James 5:15

An wen da leada guys pray an trus Da One In Charge, dat goin make da sick guy come good. Da One In Charge goin make him get up. If he wen do someting bad, Da One In Charge goin let um go fo dat, an hemo da shame fo him.

Rome 12:21

Kay den. No let da bad kine stuff get powa ova you. Mo betta do good kine stuff. Az how you get da powa ova da bad kine stuff.

Luke 6:28

Tell God fo do good tings to da peopo dat put kahuna on top you, an pray fo da peopo dat make you guys suffa.

Luke 23:34

Jesus tell, “Faddah, let dem go fo dis bad ting dey stay doing. Dey donno wat dey stay doing!” Da army guys throw dice fo take Jesus clotheses.

Jeremiah 17:14

“Da One In Charge make me come good all ova, Fo me come good fo real kine! Get me outa trouble, Fo me stay outa trouble. Cuz you da One I talk good bout.

Isaiah 30:26

Da moon goin shine strong, Jalike da sun. An da light from da sun goin come Seven time mo bright den befo, Jalike you get all da light from seven days, In one day! Az how goin happen Afta Da One In Charge wack his peopo. Den, Da One In Charge goin fix um Ery place da bone stay broke, An he goin bandage Da cut he wen give dem.

1 Samuel 15:11

“I stay sorry dat I wen make Saul come da king, cuz he make deaf ear an he no stay tight wit me no moa, an he no do no mo all da stuff I wen tell him fo do.” Wat Da One In Charge tell, bodda Samuel so plenny dat he pray all nite to Da One In Charge fo help.

1 Samuel 12:23

An me, if I wen no pray fo you guys, fo shua az one bad kine ting I wen do agains Da One In Charge. Az why fo shua I goin stay pray fo you guys! An I goin teach you guys da way dat stay good an right.

Census 16:41

Da nex day, all da Israel peopo grumble to Moses an Aaron. Dey tell, “You wen kill Da One In Charge guys!”

Census 14:2

All da Israel peopo grumble bout Moses an Aaron. Dey come togedda an tell um, “If ony us wen mahke Egypt side! O ova hea, mahke inside dese boonies!

Jesus Guys 7:60

An he fall down on his knees, an yell, “You Da One In Charge! No hold dis bad ting agains dem.” An afta he tell dat, he mahke.

Start 20:17

All da time Sarah stay Abimelek house, Da One In Charge neva let da wahines dea come hapai, cuz a Sarah. Den Abraham pray to God fo Abimelek peopo. Az why afta Abraham pray to God, God make Abimelek an his wife come good fo born kids, an same ting fo all da slave wahines inside Abimelek house.

Outa Egypt 4:7

Den God tell, “Now, put yoa hand inside yoa shirt one mo time.” Moses put his hand back inside da shirt. Wen he pull um out, da skin come back regula kine, jalike his regula skin.

Census 11:2

Da peopo yell to Moses fo help um. He pray to Da One In Charge, an Da One In Charge pio da fire.

Census 12:12

No let her stay jalike one mahke bebe dat jus born from inside da muddah, wit da kine skin dass ony half on top um!”

Songs 30:2

Eh! You Da One In Charge! You da God fo me. I wen yell fo you help me, An you wen help my body Come good one mo time.

Songs 41:4

Dis wat I wen tell: “Eh! You Da One In Charge! Dis me! I like you do someting good fo me! I like you make me come good. I sick cuz a all da bad tings I wen do agains you.”

Outa Egypt 15:26

God tell dem, “You guys gotta lissen good to me, yoa God, Da One In Charge fo real kine. You guys gotta stay do da right ting in front me, an lissen wat I tell you guys fo do, an keep all da Rules. If you guys do all dat, den I no goin wack you guys wit all da kine sick dat I wen bring fo da Egypt peopo. Cuz me Da One In Charge, an I da one dat make you guys come good.”

1 Kings 13:6

King Jeroboam tell da guy dat know God, “Aks yoa God, Da One In Charge, fo make good to me! Pray fo me, so my arm come back okay!” So da guy dat know God aks God fo make good to da king. Da king arm come back okay one mo time, jalike how was befo time.