Amos 7:6 - Hawaii Pidgin Bible

⁶ “So Da One In Charge a me, he change his mind bout da fire. He tell, ‘Jalike da firs time, wat you see, no goin happen.’ ”

Amos 7:6 交叉參考

Jonah 4:2

Jonah pray to Da One In Charge lidis: “Bummahs! You Da One In Charge! You know, all dis happen jalike I wen tell wen I stay my country! Dass why I wen run away fas fo go Tarshish side, you know. Fo shua you da kine God dat like do good tings fo peopo an show pity fo dem. Take long time befo you come huhu. You stay tight wit yoa peopo long time an give um chance. Dass why you change yoa mind an no punish da bad kine stuff peopo do.

Jonah 3:10

God, he see wat dey stay do, an see dat dey change how dey ack an no do bad kine tings no moa. Az why he change his mind an no do bad tings to dem, da way he wen tell befo time dat he was goin do. Cuz a dat, he not goin do notting bad to dem.

Amos 7:3

“So Da One In Charge change his mind bout da grasshoppas. He tell, ‘Da ting you see now no goin happen.’ ”

Jeremiah 26:19

You tink Hezekiah da Judah king an his peopo wen kill Micah cuz he talk lidat?! No ways! Dey no do bad kine stuff. Dey show choke respeck fo Da One In Charge. Dey beg Da One In Charge fo give chance. Cuz a dis, Da One In Charge no do wat he was goin do befo time. He no put da bad kine stuff on top dem dat he wen tell befo time he goin do. But wat goin happen to us guys if we kill dis guy Jeremiah!”

Songs 135:14

Cuz you Da One In Charge, You da Judge! An you goin make shua erybody know, Dat yoa peopo do wass right. You goin show pity Fo da peopo dat work fo you.

Songs 90:13

Eh You In Charge! So, how long you goin stay huhu Wit us guys? Try change yoa mind an show pity Fo us guys dat work fo you!

Local Leadas 10:16

Den dey throw out da gods fo da odda peopos dat dey get, an dey work fo Da One In Charge. So he come sore inside cuz dey gotta suffa plenny.

Local Leadas 2:18

Weneva Da One In Charge make one a dem dea local leada guy, he stay wit dat leada all da time da leada stay alive. Az how Da One In Charge get dem outa da powa a da peopo dat stay agains dem. Cuz Da One In Charge get love an pity fo dem wen dey stay moan from da presha dey get from da odda guys.

Start 6:7

An den Da One In Charge figga, “I goin wipe out from da world all da peopo I wen make awready. I goin wipe out all da animals too, da small kine tings dat crawl, an da birds dat fly inside da sky, cuz bodda me dat I wen make all dis.”

Songs 106:45

Fo dem, God neva foget Da deal he wen make, An cuz he like stay real tight wit dem, He wen change his mind.

Jeremiah 42:10

‘If you guys stay hea inside dis land, I goin build you guys up. I no goin bus you guys up. I goin make you guys come solid jalike one tree in da groun. I no goin pull you guys out cuz I get pity fo you guys fo da bad kine stuff I wen make happen to you guys.

Joel 2:13

Change how you feel inside, An no jus rip yoa clotheses Fo show you stay sad inside! Go come back to yoa God, Da One In Charge, Cuz he like do good kine tings fo you guys. He get love an pity fo you guys. He no come huhu real quick. He like stay tight wit you guys. He stay sad inside wen he gotta punish somebody.

Amos 7:7

Anodda time, dis wat Da One In Charge wen show me. Was jalike one dream: I see my boss. He stay stan dea nex to one wall. He stay pull string fo check out da wall an make shua da wall stay strait.

Outa Egypt 32:14

So Da One In Charge change his mind bout da bad tings he plan fo do to his peopo, da Israel peopo, an he no do um.

1 Records 21:15

Befo God pau, he sen one angel guy Jerusalem town, fo wipe um out. But wen da angel guy start fo wipe out da peopo, God Da One In Charge see um. He change his mind bout how he goin make bad to da peopo, jalike he wen start fo do. He tell da angel guy, “Nuff awready! Stop!” Wen Da One In Charge tell dat, da angel guy stay stan by da open place wea Ornan da Jebus guy split his wheat from da junk kine stuff.

Songs 78:38

But God, he get pity fo dem, Az why he wen let da peopo go Fo da wrong tings dey wen do, An why he neva wipe dem out. Ova an ova, God wen hold back Da way he feel bout dose peopo, An he neva bus um up, No matta he stay huhu wit dem.