Amos 7:10 - Hawaii Pidgin Bible

¹⁰ One time, had one a da Main Pries guys dat live Bethel side, Amaziah. He wen sen somebody by Jeroboam Numba Two, da king fo da Israel peopo, fo tell um dis: “Amos, he live right hea wit us Israel peopo, but he stay make one plan fo throw you out. Eh! Da tings dis guy stay tell, no good fo da peopo inside oua land hear um!

Amos 7:10 交叉參考

Jeremiah 38:4

Den da leada guys tell da king: “You gotta kill dis Jeremiah guy! He make oua army guys dat still stay inside dis town lose fight, an same ting fo all da odda peopo, cuz a wat he tell dem. He no give a rip fo make good kine stuff happen to da Jerusalem peopo. He ony like bad kine stuff happen.”

Matthew 21:23

Den Jesus go inside da open lanai fo da temple, an teach da peopo. Da Main Pries guys an da older leadas fo da peopo go by him. Dey tell um, “Wat right you get fo do dis kine stuff? Who tell you good fo you do um?”

1 Kings 13:33

No matta all dis tings happen, Jeroboam still no ack diffren. He still do bad kine stuff. He still go make anybody from any kine place come pries guys fo da sacrifice places on top da hills. Anybody dat like come one pries, Jeroboam make um come pries fo da places on top da hills wea dey make sacrifice to odda gods.

Jesus Guys 24:5

We know dat dis guy stay make trouble. He stay make da Jew guys like beef all ova da world. He da leada fo da peopo dat stay tight wit Jesus from Nazaret.

Jesus Guys 7:54

Wen dey hear dat, dey come wild, an dey grind dea teet at Stephen cuz dey mad.

Jesus Guys 5:28

Da Main Pries Guy tell, “Lissen! We wen tell you guys you betta not teach da peopo bout da guy Jesus, an tell he give you da right fo use his name fo do stuff. But you guys still yet teach dis kine stuff all ova Jerusalem. An you even like poin finga us fo kill him!”

Luke 23:2

Dey poin finga Jesus an tell, “Dis guy stay bulai oua peopo! He stay teach dem bad kine stuff. He tell dem no pay tax to King Cesar! He tell dat he da Christ Guy, da Spesho Guy God Wen Sen, an dat he one king.”

Jeremiah 18:18

Some peopo tell: “Eh come! We go make one plan fo kill Jeremiah. Dat way, we not goin throw out da rules da pries guys teach, o throw out wat da guys dat know wat fo do erytime tell us fo do, o throw out da tings da guys dat talk fo God tell. So we goin poin finga Jeremiah an tell wat he do wrong. We no goin lissen him notting!”

1 Kings 18:17

Wen Ahab see Elijah, he tell um, “So! You da guy dat stay make trouble fo all da Israel peopo!”

Start 37:8

Da braddah guys tell um, “Wot! You tink you goin come king ova us guys? You tink you goin tell us guys wat we gotta do?” Cuz a da dream, an cuz a wat Joseph stay tell um, dey hate um mo plenny den befo time.

Jeremiah 36:16

Wen dey hear all dat stay write dea, dey look at each odda, an dey come sked an shaking. Dey tell Baruk, “Us guys gotta tell da king all dis stuff!”

Amos 1:1

Dis wat Amos tell. Amos, he one a da guys from Tekoa dat know how fo breed da sheeps da spesho kine way. Dat time, Uzziah was king Judah side. Same time, Joash boy Jeroboam Numba Two, he was king Israel side. Dat time, Amos wen see someting jalike one dream bout wat goin happen to da Israel peopo. You know, was two year befo da big earthquake.

Amos 3:14

“Dat time wen I goin punish da Israel peopo Fo da bad tings dey wen do, Same time, I goin bus up all da altars Bethel side! I goin wack da horns dat stick out from da altar, Dey goin broke an fall down on top da groun.

Amos 5:5

No go by da Bethel peopo fo get help, No go Gilgal side. No go da odda side a da country, Beer-Sheba side. You no foget, Gilgal was da firs place Yoa peopo wen come inside dis land, But now, Gilgal garans goin be da place Wea odda peopo goin drag you outa dis land! Da Bethel peopo goin come notting.”

Amos 7:11

Dis Amos guy, dis wat he stay tell peopo: ‘King Jeroboam, somebody goin kill him wit one sword, an fo shua, dose peopo goin take all da Israel peopo far away from dea land.’ ” Dass wat Amaziah tell Jeroboam.

Amos 5:10

“But you Israel peopo, You hate anybody dat tell da judge Dat you guys do wass not right. Anybody dat talk fo real kine in front da judge, You guys make to dem jalike dey junk.