Amos 6:3 - Hawaii Pidgin Bible

³ “Bummahs, you guys! You tink goin be long time Befo bad tings goin happen to you guys! But da way you guys ack, you ony make shua Dat da guys dat like bus you up Goin take ova you mo fas!

Amos 6:3 交叉參考

Amos 9:10

Goin get war, An all my peopo dat do wass wrong goin mahke. Dey da ones dat tell, ‘Notting bad goin happen to us guys! All dat bad kine stuff no goin catch us up!’ ”

Isaiah 56:12

All dem tell each odda, ‘Come on, you guys! I like get some wine! Us go get piloot wit beer! An tomorra, same ting jalike today, O even mo betta!’ ”

Ezekiel 12:27

“Eh! Fo Real Kine Guy! You know wat? Da Israel ohana peopo tell, ‘Da stuff Da One In Charge show Ezekiel, no goin happen fo one long time. He stay talk bout um goin happen, long time from now, you know.’ ”

2 Peter 3:4

Dey goin tell, “Eh! Fo real, Jesus wen promise you guys he goin come back, o wat? Den wea he stay? Oua ancesta guys, dey mahke long time awready, an still yet, eryting stay da same from wen God wen make da world!”

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!

Matthew 24:48

“But if dat worka guy do bad kine stuff, den he goin figga, ‘Eh, long time my boss no goin come back.’

Amos 3:10

You betta lissen! Da One In Charge, he tell dis: “My peopo, dey donno notting how fo do da right ting! Dey pile up dea palaces wit stuffs dey get From peopo dey wen bus up.”

Ezekiel 12:22

“Eh! Fo Real Kine Guy! Wat dis ting dat you peopo inside da Israel land tell each odda? You guys tell: ‘Fo one long time, no mo notting happen, from all da tings God show da guys dat talk fo him!’

Jesus Show 18:17

In one hour, all da kine rich stuffs wen come wipe out!” Da captains from all da boats, da sailas, erybody dat ride boat, erybody dat work aroun da ocean, dey all goin stay far.

Amos 6:12

Eh! You tink one horse can run fas ova one pali? You tink one farma guy can use cows fo plow da ocean watta? No ways can! Jalike wen somebody like judge da right way, Dey no can, cuz you guys jalike make shua how dey judge, come out bad jalike poison! Wen get somebody dat stay do da right ting, You guys make shua dey no can do da right ting, Cuz you guys make eryting come out jalike one bitta taste!

Amos 5:18

Anodda time, Amos tell: “Bummahs, fo you guys dat talk lidis: ‘Time awready fo Da One In Charge show up!’ Wat you guys tink goin happen to you Wen Da One In Charge come back, aah? Wen he show up, eryting goin come hard fo you guys, not good! Jalike one storm make eryting come dark, no mo light!

Amos 5:12

Eh! I know how much stuff you guys do agains me. I know all da diffren ways you guys do bad kine stuff! You guys, you stay agains da peopo dat do da right ting. You guys like get money from unda da table, You guys like put presha on peopo Az why da ones dat need help from da judge, no goin get help!

Isaiah 47:7

You Babylon guys talk Jalike you goin stay foeva, Jalike yoa town stay one queen foeva! But you neva tink bout all dis stuff, O wat goin happen bumbye Cuz a wat you stay do now!

Teacha 8:11

Wen one guy do someting bad, an peopo no punish um right den an dea, da peopo goin figga dey can do all kine bad kine stuff too.

Songs 94:20

Da king guys dat stay wipe out peopo An make rules dat tell Az okay fo make any kine. You tink dey can work Wit you, o wat?! No way!

Sad Song 4:5

Da peopo dat wen eat fancy kine food befo time, Now dey stay live on da streets an no mo notting fo eat. Da ones dat wen grow up in fancy kine clotheses befo time, Now dey lay on top da rubbish piles.

Ezekiel 23:42

“Get one party an can hear plenny peopo stay talking aroun her. Even get piloot guys somebody bring from da boonies. Dey put bracelets on top da arms a da wahine an her sistah an real nice crowns on top dea heads.

Micah 6:12

All da rich guys from Jerusalem ony like bus up peopo. Da peopo dat live ova dea stay bulai erytime. Erytime dey talk, dey make scam.

Amos 3:9

Stan up on top da flat palace roof, Ashdod town, An da flat palace roof, Egypt land, An talk loud lidis fo da peopo inside can hear: “Eh! Go come togedda on top da hills aroun Samaria town, An check out all da stuff inside dat town dass all jam up, Da way dose Israel guys all ack mean to each odda!”