Amos 5:2 - Hawaii Pidgin Bible

² “ ‘Da Israel ohana, jalike one young girl. No matta she young, She fall down cuz dey kill her. She no goin stan up one mo time, eva. Dey wen leave her body ova dea, inside her country. Cuz no mo nobody goin come fo her.

Amos 5:2 交叉參考

Jeremiah 14:17

“Tell um dis: ‘Let me cry plenny fo you guys Day time an nite time. I cry fo my peopo Cuz I love dem Jalike I love my young girl, Cuz dey all bus up an hurt bad!

Amos 9:11

Plus, Da One In Charge tell dis: “Dis peopo dat had King David fo dea king befo time, Now dey all hamajang, jalike one shack ready fo fall down. But goin come da time, I goin fix up dea land jalike was King David time. Jalike da peopo fix one wall dass all broke an fall down, I goin fix dat wall dat was all bus up An put up da tings dat wen broke. I goin build um jalike was befo time.

Amos 8:14

Da ones dat make one strong promise, an make um by da name a da pilau idol kine gods dat da Samaria an Dan an Beer-Sheba peopo pray to, dey goin come wipe out an stay lidat foeva. Dey goin tell: “I shua dat I goin do um, Jalike I shua dat da idol kine god dat da Dan ohana peopo pray to, stay alive! O jalike I shua dat da idol kine god we go pray to Beer-Sheba side, stay alive! “But all dose peopo dat make dat kine promise, dey goin fall down an mahke. Dey no goin get up, eva!” Dass wat Da One In Charge tell.

Hosea 14:1

Hosea tell: “You Israel peopo, come back by oua God, Da One In Charge. All da bad kine stuff you guys wen do, Az wat wen bring you guys down!

Hosea 6:2

Two days, an he goin make us come strong one mo time. Day numba three he goin bring us back, So den we goin stay alive in front him!

Sad Song 2:13

No mo notting I can tell fo help you guys! You Jerusalem peopo, no mo nobody stay suffa jalike you guys suffa! I no can talk bout wat happen to odda peopo, Fo help make you guys feel mo betta! Yoa cut stay real deep, jalike da ocean. Who goin make you come good?! Nobody!

Jeremiah 51:64

Den tell, ‘Az how Babylon goin go down an no come back up no moa, cuz a all da bad kine stuff I stay ready fo make happen to dem. An dea peopo goin lose fight.’ ” Az all da messages Jeremiah wen tell. Dass it, pau awready.

Jeremiah 50:32

You peopo wit big head goin trip an fall down. No goin get nobody fo help you guys stan up. I goin make one fire inside yoa towns. An dat fire goin burn up erybody dat stay aroun Babylon town.”

Jeremiah 31:4

You Israel peopo, Jalike you my daughtah dat I love! I goin build you guys up one mo time Jalike one strong house, An you goin come solid inside. One mo time you goin take yoa tammorines Fo dance an sing wit yoa frenz an get good fun.

Jeremiah 18:13

Az why Da One In Charge tell dis: “Aks all da peopos, You guys hear somebody talk lidis, o wat?! Da Israel peopo, I get love an aloha fo dem, jalike dey my wahine, But now, dey do one real real bad kine ting.

Jeremiah 4:20

Get one big boom, den anodda! All da land come bus up. Fas dey wipe out my tents, Mo fas den I can handle!

Jeremiah 2:27

Dey tell one wood idol, ‘You my faddah!’ Dey tell one stone idol, ‘You wen born me!’ Dey make deaf ear to me, An no lissen. But wen dey get trouble, Dey tell me, ‘Help us get outa trouble!’

Isaiah 43:17

Da One In Charge make da strong Egypt army guys go out, Wit dea war wagons an da horses, all togedda. Dey all fall down dea, an no get up one mo time. Dey all mahke, jalike wen you pio one candle. Da One In Charge da One dat tell dis:

Isaiah 37:22

dis wat I tell agains Sennakerib: “ ‘My peopo inside Jerusalem town Dey jalike one young wahine Dat tink you no good, an dey laugh at you. Jalike one wahine dat shake her head an look Wen you stay run away!

Isaiah 24:20

Da earth move dis way an dat way Jalike one guy dat drink plenny An jalike one shack ready fo fall down. Da peopo all ova da world stay go agains God, Dass someting real bad fo dem Dat make um fall down, An dey no can get up no moa.

Isaiah 14:21

Make ready one place fo kill Erybody dat come from dose king guys, Cuz dea ancesta guys, dey do plenny bad tings. No way, fo one a dem stan up fo come king An take ova da world one mo time, An fill up da world wit dea big towns!

Isaiah 3:8

You know, da peopo inside Jerusalem, Jalike dey no can walk strait. Da peopo inside Judah, Jalike dey stay fall down too. Cuz wit wat dey tell, An wit wat dey do, Dey talk bad bout Da One In Charge An go agains him. Dey tink he no good, no matta he awesome.

2 Kings 17:16

Da peopo no lissen all da tings dea God, Da One In Charge, wen tell um fo do. Dey even make two idol kine gods from metal fo dem pray to, dat look jalike bebe cows. Dey set up poses fo da wahine god Asherah. Dey go down in front da sun an moon an all da stars inside da sky jalike dey gods, an dey let da Baal god be dea boss.

2 Kings 15:29

Wen Pekah stay king Israel side, da Assyria king Tiglat-Pileser come back attack one mo time. He take ova five town: Ijon, Abel Bet-Maakah, Janoah, Kedesh, an Hazor. He take da Gilead an Galilee lands too, an all da Naftali land, an make da peopo dea give up dea land an go Assyria side.

Jeremiah 8:4

Tell da peopo, dis wat me, Da One In Charge, tell: “Weneva somebody fall down, Dey goin stan up one mo time, aah? Weneva somebody go da wrong road, Dey goin come back an go da right road, aah?

Jeremiah 9:9

You tink I no need punish dem fo all dis stuff?! I goin punish um! You tink I no need pay back dat kine nation fo dis?! I goin pay um back!” Az wat Da One In Charge tell.

Jeremiah 9:21

Teach um lidat, cuz da way us stay now, Jalike oua enemy guys stay come inside thru oua windows fo kill, An inside oua strong wall. Jalike fo wipe out da kids on top da streets An da young guys inside da parks.