Amos 4:11 - Hawaii Pidgin Bible

¹¹ Da One In Charge tell: “I wen wipe out some a da towns wea you guys live, Same ting jalike I wen wipe out Sodom town an Gomorrah town befo time. Some a you guys wen get outa yoa towns alive, aah? Dey jalike sticks dat somebody pull out quick from da fire Dat stay half burn awready. Still yet, you guys no like come back an be my guys!” Dass wat Da One In Charge tell.

Amos 4:11 交叉參考

Zekariah 3:2

Da One In Charge tell Da One Dat Stay Agains God, “Me, Da One In Charge. I tell az wrong, wat you stay do! Me, Da One In Charge. I wen pick Jerusalem. An I tell az wrong, wat you stay do! Dis guy Joshua, he jalike one stick dat stay burn, an somebody pull um outa da fire.”

Isaiah 13:19

From all da diffren countries, Babylon, dass da mos awesome looking one. All da peopo dea feel real good Cuz Babylon stay da leada. But God goin wipe dem out Jalike he wen wipe out Sodom an Gomorrah.

Jeremiah 23:14

An wit da guys dat suppose to talk fo me inside Jerusalem, I wen spock one even mo bad kine ting: Dey ack jalike one wahine dat fool aroun behind her husban back, An go fool aroun wit da odda gods, An follow da bulaia god Baal. Dey tell da peopo dat do bad kine stuff, ‘Go fo broke!’ So den no mo nobody turn aroun An no do bad kine stuff. Fo me, all dem jalike da Sodom peopo. An da Jerusalem peopo, dey jalike da Gomorrah peopo.”

Jude 1:23

You guys gotta give da odda guys chance so dey no come wipe out, jalike you hemo someting outa da fire so no burn up. But watch out you no do pilau kine stuff jalike dey wen do.

Jude 1:7

An same ting wit da peopo from Sodom an Gomorrah an all da odda towns aroun dea. Dey buckaloose an dey make all kine sex wit anybody. God use dem fo show erybody dat if he gotta punish somebody, he can punish um foeva wit fire.

2 Peter 2:6

Anodda time had da peopo from Sodom town an Gomorrah town. God wen punish dem cuz dey was real bad. He wen burn up eryting all aroun dea, so ony had ashes an da peopo wen mahke. All dis wen happen fo show someting to da odda peopo dat come afta an make jalike God notting. God show um dat da same ting goin happen to dem if dey make lidat.

Amos 4:6

Dis wat Da One In Charge a me tell too: “Was me dat wen make da peopo inside ery town hungry to da max! So neva have bread no place. Still yet, you guys no like come back an be my guys.” Dass wat Da One In Charge tell.

Jesus Show 9:20

Da odda peopo dat neva mahke from da big trouble, dey still yet no come sorry an no pau do bad kine stuff. Dey still yet go down in front da bad kine spirits an da idol kine gods. No matta dey make da idols wit gold, silva, bronze, stone, an wood. An no matta da idol kine gods no can see, o hear, o walk, notting!

1 Corint 3:15

But if da fire burn up wat da guy do, God no goin give dat guy notting. Still yet, da guy goin be okay, but ony jalike da house burn down an da guy almos neva get out.

Hosea 11:8

“You Efraim peopo, no way I goin tell you guys ‘Laytas!’ No way I goin give you Israel peopo to anodda god! No way I goin wipe out you guys jalike I wen wipe out Admah town! O Zeboim town! Now I wen change my mind, Az why now I feel all kine love an pity fo you guys!

Ezekiel 24:13

You Jerusalem peopo no stay clean inside. You guys no can come in front me Da One In Charge cuz you stay pilau inside an do all kine bad stuff. I wen try fo make you come clean from all da pilau kine stuff, but you no like. Cuz a dat, you guys no goin come clean one mo time till I pau punish you cuz I stay huhu wit you.

Jeremiah 49:18

Jalike da time Sodom an Gomorrah come all bus up, An all da towns aroun dem too. Same ting, no mo nobody goin live inside Edom. No mo nobody goin stay ova dea even fo short time.” Az wat Da One In Charge tell.

Rome 9:29

Befo time, Isaiah tell dis too: “Good ting, God, Da One In Charge Ova All Da Armies, Wen let some a oua kids stay alive. If he neva do dat, oua blood line pau awready, Jalike da peopo from Sodom town an Gomorrah town.”

Rules Secon Time 29:23

Da whole land goin stay jalike was burn up from salt an sulfur. Nobody goin plant notting dea. No can make notting grow dea. No mo notting green come up. Goin be jalike wen Sodom an Gomorrah towns wen come wipe out, an wen Da One In Charge bus up Admah an Zeboiim towns cuz he real mad wit dem.

Isaiah 7:4

Tell Ahaz, ‘Watch out, but stay cool. No sked. Inside yoa heart, no lose fight! Fo shua, dose two kings, Rezin fo da Aram peopo, an Remaliah boy, dey stay all hot an huhu. But dey jalike two small stick inside da fire dat litto mo all burn out, but still yet dey get plenny smoke.

Rules Secon Time 28:24

Da One In Charge goin make da rain come down dry jalike dus an jalike powda. Goin come down from da sky till you guys all come wipe out.

Isaiah 9:12

Da Aram peopo from da east side, An da Filisha peopo from da west side, Dey go agains da Israel peopo An dey win ova um. An Da One In Charge stay huhu wit da Israel peopo still yet, An he stay ready fo bus um up.

Jeremiah 5:3

Jeremiah tell, “Eh! Da One In Charge, fo shua you look Fo peopo you can trus, aah?! But dese Jerusalem guys, even wen you wack um, Still yet, dey neva feel bad cuz a dat. You wen smash um, But no way dey goin learn fo do wass right. Dey hard head, jalike one rock. Az why dey no like change dea mind An come sorry fo da bad kine stuff dey wen do.

Jeremiah 50:40

Jalike da time wen God wen wipe out Da Sodom an Gomorrah peopo, An da peopo from da odda towns aroun dea, Az how goin come fo Babylon. No mo nobody goin live ova dea Not even fo short time.” Az wat Da One In Charge tell.

Hosea 11:5

“But my peopo tell ‘Laytas!’ fo come back to me Cuz dey like, dey goin go back Egypt side! Oddas goin let da Assyria king come dea leada! Az cuz dey no change dea mind.

Haggai 2:17

All da work you guys wen do, me Da One In Charge stay wack um awready. I make da plants dry up from da hot wind, o get mildew, o I let dem mahke from da hail. Still yet you guys neva come my side! Az wat I tell.’