Amos 3:10 - Hawaii Pidgin Bible

¹⁰ You betta lissen! Da One In Charge, he tell dis: “My peopo, dey donno notting how fo do da right ting! Dey pile up dea palaces wit stuffs dey get From peopo dey wen bus up.”

Amos 3:10 交叉參考

Zefaniah 1:9

Dat time, I goin punish Erybody dat jump ova da flat stone Unda da door a da temple Fo show respeck fo dea gods. Dose guys bulai peopo an bus um up, Fo dem fill up dea bosses house Wit stuff dey get From rip off peopo.”

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Songs 14:4

Dem guys dat stay do wass wrong, How come dey neva learn notting? Dey still do wass wrong! Easy fo dem eat up my peopo, Jalike easy fo dem eat bread. An dey no pray to Da One In Charge.

2 Peter 3:5

But you know, get one ting dem buggahs make deaf ear bout: Long time befo time, wen eryting wen start, God wen command an get da sky. Den God wen start wit da watta fo make da land an da watta diffren kine. He make da land come up from da watta.

Amos 6:12

Eh! You tink one horse can run fas ova one pali? You tink one farma guy can use cows fo plow da ocean watta? No ways can! Jalike wen somebody like judge da right way, Dey no can, cuz you guys jalike make shua how dey judge, come out bad jalike poison! Wen get somebody dat stay do da right ting, You guys make shua dey no can do da right ting, Cuz you guys make eryting come out jalike one bitta taste!

Amos 5:7

“Bummahs, fo you guys! You tell peopo Dat eryting da judge tell, no good, An bulai peopo so dey no mo dea rights! Jalike you throw um down on top da dirt!”

Jeremiah 5:4

Me, Jeremiah, I figga lidis: ‘Dese guys, dey pooa, dey no mo notting. But dey stay stupid, Cuz dey donno how Da One In Charge like fo dem live. Dey donno wat dea God tell Bout wass right an wass wrong.

Ezekiel 8:17

Da One In Charge, he tell me, “Eh, Fo Real Kine Guy! You wen see dat? All da pilau kine stuff dat da Judah ohana peopo stay do ova hea, you tink az no mean notting, o wat? Dey gotta bus up peopo ery place on top da land, o wat? An dey gotta make me come real huhu wit dem, ova an ova? Look at dem! Dey stick finga at me!

Ezekiel 18:7

Dat kine guy no put presha on top nobody. An wen he loan money an keep someting da odda guy own fo make shua da guy goin pay um back, den, wen da odda guy pay wat he owe, da guy dat wen loan um, he give back da ting right den an dea. He no rip off nobody. He share his food wit da guy dat stay hungry. He share clotheses wit da naked guy.

Ezekiel 22:29

Da peopo inside da land put presha on top da peopo dat no mo notting. Dey rip off da ones dat need help. Dey make any kine to da peopo dat no stay from Jerusalem. Dey do tings to dem dat no stay pono.

Amos 6:3

“Bummahs, you guys! You tink goin be long time Befo bad tings goin happen to you guys! But da way you guys ack, you ony make shua Dat da guys dat like bus you up Goin take ova you mo fas!

Amos 6:8

“Da Boss, Da One In Charge a me, he wen make one strong promise, An he no need anodda guy fo help him do um, jus him. Dis wat Da One In Charge tell: ‘Watch out! Me, I so mad wit dem Israel guys! Dey tink dea Israel ohana mo betta den anybody! Dey get strong wall, but I goin go agains um! Dea main town, an eryting inside dea, I goin give all a dat To da guys dat stay agains um.’ ” Dass wat Da One In Charge tell. An you know wat?! He da God Ova All Da Armies.

Micah 6:10

Da One In Charge tell: ‘You guys tink I still yet goin foget da real bad guys? Da way dey bulai how dey measure da wheat, An stash da stuffs dey wen steal inside dea house?! No ways I goin let um do dat!

Job 20:21

No mo notting lef ova fo dem eat up. Az why dey no can stay rich long time.

Smart Guys 1:13

We goin steal all choice kine stuff dat cost plenny An put um inside oua house.

Smart Guys 11:16

Da kine wahines dat get one good heart fo help peopo, Dey get plenny respeck, But da kine guys dat do any kine fo dem be numba one, Da ony ting dey get is silva.

Smart Guys 28:5

Da bad kine peopo, Dey donno how fo judge da right way. But da peopo dat like know Da One In Charge fo real kine, Dey know eryting bout wass right an wass wrong.

Teacha 4:1

I look one mo time, an I see all da presha dat some peopo put on top odda peopo unda da sun. I see peopo cry, da ones get presha on top dem. No mo nobody fo help dem come so notting bodda dem. Da guys dat put presha on top dem get plenny powa. No mo nobody fo help dem come so notting bodda dem.

Hosea 7:1

Erytime I wen like make da Israel peopo come good, I neva do um! Az cuz a da bad kine stuff da Efraim peopo do, An da crooked kine stuff da Samaria peopo do, All dat kine stuff show up. Dey bulai. Da steala guys bus inside da houses! Gangs wit da bad kine guys rip off peopo on top da streets!

Amos 4:1

Amos tell dis too: “Eh! You Samaria wahines! Lissen up! You guys jalike da fat cows from Bashan Dat eat grass on top da hills Samaria side! You wahines give hard time to da peopo dat no mo powa An you make any kine to da peopo dat no mo notting. You guys erytime tell yoa husban, ‘Bring mo booze!’