Amos 2:10 - Hawaii Pidgin Bible

¹⁰ But wot! Was me dat wen bring you guys Outa da Egypt land to dis side. Forty year, I wen show you guys wea fo go inside da boonies Fo you guys take ova da land from da Amor peopo.

Amos 2:10 交叉參考

Rules Secon Time 2:7

An Moses tell, “Cuz oua God, Da One In Charge, do plenny good stuff fo us guys, an make eryting us guys make come out good. He take kea us guys inside da big boonies. He stay wit us guys fo all dis forty year, an us neva need notting eva.

Outa Egypt 12:51

Dat same day, Da One In Charge take da Israel peopo outa da Egypt land, jalike dey one army.

Amos 3:1

Eh! Lissen up, you Israel peopo! I stay talking fo God, cuz Da One In Charge stay tell dis to you guys, da whole ohana dat he wen bring hea from Egypt side.

Jesus Guys 13:18

an he take da stuff dey do fo forty year inside da boonies.

Jesus Guys 7:42

So God make jalike he donno dem, an let dem go down an pray to da sun an da moon an da stars. Dat happen jalike da guy Amos, dat talk fo God long time befo time, write down. He tell, “ ‘You Israel peopo, Dat no was fo me you make sacrifice fo, Forty year inside da boonies! Nah!

Micah 6:4

Fo shua, you guys know, I wen bring you guys outa da Egypt land. I wen pay da price fo take you guys outa dea, Wea you guys was slave guys. I wen sen Moses fo lead you guys, An Aaron an Miriam too.

Amos 9:7

Dis wat Da One In Charge tell: “Eh you Israel peopo! Fo shua, I no make diffren to you guys An to da peopo from da Sudan land! I wen bring you Israel peopo up hea outa da Egypt land, I wen bring da Filisha peopo from Crete Islan too, An da Aram peopo, I wen bring dem from Kir side.

Outa Egypt 3:8

Az why now, I come hea fo get my peopo outa dea, fo da Egypt guys no make any kine no moa. I goin bring um outa dat land to one good land wea get plenny room fo erybody, an ery place get plenny milk an honey. I stay talk bout da place wea da Canaan peopo, da Het peopo, da Amor peopo, da Periz peopo, da Hiv peopo, an da Jebus peopo live now.

Ezekiel 20:10

Az why I bring dem outa Egypt an make um go inside da boonies.

Songs 95:10

“Was forty year yoa ancesta guys Was pilau fo me, An cuz a dat I mad! Dis how I wen tink: ‘Dese peopo! Inside, dey like do Wat dey like do! Dey donno how fo do tings my way!’

Nehemiah 9:21

Forty year, you wen make shua Dey get eryting dey need fo live inside da boonies. Az all dey wen need, Cuz dea clotheses neva come boros, An dea feets neva swell up.

Rules Secon Time 1:39

“An Da One In Charge tell da peopo, ‘You guys even tell dat odda guys goin make yoa litto kids prisonas, no matta dose kids still yet donno wass good an wass bad. But dose kids, dey da ones goin go inside da land. I goin give um to dem, an dat goin come dea property.

Outa Egypt 20:2

“Dis me, Da One In Charge, yoa God, dat stay talk. Was me wen get you guys outa da Egypt land, wea you guys was slaves.

Census 21:25

Da Israel guys take ova all da Amor towns, an stay dea—Heshbon an all da small towns aroun um.

Joshua 13:4

From da south side, all da Canaan land, from Arah wea da Sidon peopo stay all da way to Afek, da edge a da land wea da Amor peopo stay.

Census 13:32

An dey tell da Israel peopo all da stuff dey wen see bout da land dey scope out, an az bad! Dey tell, “Da land us guys wen go fo scope out, az one land goin eat up da peopo dat stay dea. All da peopo we see ova dea, real real tall.

Census 32:13

“Dat time, Da One In Charge come real mad wit da Israel peopo. He make dem stay go aroun inside da boonies fo forty year, till all da peopo mahke dat he see wen do bad kine stuff.

Joshua 24:8

“I bring you guys to da Amor peopo land, dat stay da odda side, da east side a da Jordan Riva. Dey fight you guys, but I give dem to you. I wipe dem out in front you, an you guys take ova dea land.

Jeremiah 2:6

Dey neva even tink fo aks, ‘Wea Da One In Charge stay, Da One dat wen bring us guys hea outa Egypt? He da One wen bring us guys thru da boonies Wea up country eryting dry, An get plenny gulch wea no mo watta, An get real dark kine place wea can mahke. Wea no mo nobody go thru dea, An no mo nobody live ova dea.’