Amos 1:12 - Hawaii Pidgin Bible

¹² Dass why I goin sen army guys fo burn Teman town, An da fire goin eat up da palaces dat get strong wall, Bozrah town.”

Amos 1:12 交叉參考

Jeremiah 49:20

So, lissen wat Da One In Charge make one plan fo do agains da Edom peopo. Lissen wat he tink fo do agains da peopo dat live Teman side. He goin steal dea kids, Jalike somebody go drag away da bebe sheeps. He goin wipe out dea land, Jalike somebody make da grass land come jalike bolohead.

Jeremiah 49:7

Bout da Edom peopo, dis wat Da One In Charge, da God Ova All Da Armies, tell: “No mo nobody Teman side Dat know wat fo do erytime, o wat? No mo nobody dat undastan stuff An can help odda peopo make one good plan? Da ones dat befo time wen know wat fo do erytime, Now, dey come good fo notting, aah?

Jeremiah 49:22

Look! One nation stay come! Jalike one eagle dat stay fly high An den come down fas. Da eagle spread his wings fo attack Bozrah town. Dat time, da Edom army guys, Goin suffa, jalike one wahine Dat suffa wen she born one bebe.

Jeremiah 49:13

Da One In Charge tell: “I get da right fo make dis spesho promise cuz a who me: Fo shua, Bozrah, da main town fo da Edom peopo, goin come all bus up! Erybody goin come bum out wen dey tink bout Bozrah. Dey goin poin finga da Bozrah peopo, an talk bad bout dem. All da towns aroun dea goin stay bus up, foeva.” Dass wat Da One In Charge tell.

Isaiah 34:6

Da One In Charge, his sword get plenny blood on top! Get fat all ova um From da bebe sheeps an goats fo make sacrifice, Fat from da boy kine sheep kidney Dat he use fo make sacrifice. He goin kill plenny peopo inside da Edom land, Jalike goin get one sacrifice fo Da One In Charge Inside Bozrah, da Edom town.

Start 36:33

Den Bela mahke, an Jobab, Zerah boy from Bozrah side come king.

Start 36:11

Elifaz, his boys, Teman, Omar, Zefo, Gatam, an Kenaz.

Isaiah 34:5

Da One In Charge tell, “Afta I use my sword inside da sky Fo wipe out da bad peopo dea, An get blood all ova um, Den, cuz I da judge, I goin use my sword fo bus up da Edom peopo An wipe dem all out.”

Isaiah 63:1

Da watcha guy tell: “Eh! Who dat guy stay come from da Edom land, From dea main town Bozrah? His clotheses, all red on top! Who dis awesome looking guy, He stay wear real nice clotheses? He march strait, an he real strong! “Da guy tell, ‘Me, I da One get da right fo talk, Cuz I do wass right! I get plenny powa fo get peopo outa trouble!’

Ezekiel 25:13

Az why me Da One In Charge, da Boss, tell dis: ‘I goin go agains da Edom peopo wit my powa, an wipe out dea peopo an dea animals. I goin bus up da land from Teman to Dedan, an kill dem wit swords.

Obadiah 1:1

Dis tell wat da Boss, Da One In Charge, show Obadiah bout da Edom peopo dat come from Esau: Us guys wen hear dis Good Kine Stuff from Da One In Charge. Get one messenja guy he wen sen to da nations fo tell dis: “Make ready! We goin fight Edom!”

Habakkuk 3:3

God come from Teman, south side. Da God Dat Stay Good An Spesho, Come from Mount Paran. (Time out fo da music.) He real awesome, jalike he shine all ova da sky. Da peopo all ova da world talk good bout him.

1 Records 1:44

Wen Bela mahke, Jobab, Zerah boy from Bozrah come king.