2 Samuel 8:3 - Hawaii Pidgin Bible

³ David attack Hadadezer, Rehob boy, da king fo da Zobah districk inside da Syria land. Befo time, Hadadezer wen take ova da land nea da Eufrates Riva too, but da peopo ova dea no like him. So Hadadezer gotta go back fo take um ova one mo time. An dass wen David guys jump um.

2 Samuel 8:3 交叉參考

1 Samuel 14:47

Afta Saul take ova an come da king fo da Israel peopo, he fight da peopos dat live all aroun dem, an dat stay agains da Israel peopo: da Moab peopo, da Ammon ohana peopo, da Edom peopo, da Zobah kings, an da Filisha peopo. Ery place he go, he punish dose guys.

2 Samuel 10:19

Wen all da kings dat stay unda King Hadadezer see dat da Israel guys win ova dem, dey make one deal wit da Israel army fo no fight no moa, an dey stay unda Israel. So da Aram guys stay sked fo help da Ammon guys afta dat.

2 Samuel 10:16

King Hadadezer tell his guys fo bring odda Aram army guys from da odda side a da Eufrates Riva. Dey go Helam town. Shobak, da general fo Hadadezer army, lead dem.

1 Records 18:3

Den David an his guys fight Hadadezer da Zobah king an his guys, all da way Hamat side, da time Hadadezer go fo make solid dat he da one stay in charge nea da Eufrates Riva.

2 Samuel 10:6

Da Ammon peopo know dat dey wen make pilau kine to David. So dey pay da Aram king guys Syria side fo sen um army guys: da king guys from Bet-Rehob an Zobah sen um 20,000 infantry guys. From da king fo Maakah, dey get 1,000 army guys. An from Tob dey get 12,000 army guys.

Songs 72:8

I like fo da king stay in charge From one ocean to da odda ocean, From da Eufrates Riva To da mos far place inside da world!

Songs 60:1

Bummahs, God! You no give a rip fo us, o wat?! You wen dump all us guys! You wen let da odda army guys Smash thru oua line! You wen stay huhu wit us! Now, we like you make us Come okay one mo time!

1 Kings 4:21

Solomon was da King in charge a all da local kine kings from da Eufrates Riva to da Filisha land, an all da way to da Egypt borda. Da local kine kings bring rich kine gifs fo Solomon an dey work fo him all da time Solomon stay alive.

Rules Secon Time 11:24

Ery place wea you guys put down yoa feets goin be yoa property. Yoa land goin go from da boonies south side to Lebanon north side, an from da Eufrates Riva east side to da Mediterranean Sea west side.

Outa Egypt 23:31

I goin set you up wit all da land from da Red Sea to da Mediterranean Sea, an from da boonies to da Eufrates Riva. I goin turn ova da peopo dat stay live inside dat land to you, an you goin make um all go way.

Start 15:18

Right den an dea, Da One In Charge make one spesho deal fo Abram, an da sacrifice was da sign fo da deal. Da One In Charge tell Abram, “All dis land, from da Egypt borda to da big riva dey call Eufrates—all dis, I give um to da peopo dat goin come from you!

2 Samuel 10:15

Afta da Aram guys see dat da Israel guys wen win ova dem, dey all come togedda fo make one big army.

2 Samuel 23:36

Igal, Nathan boy from Zobah town, Bani, from da Gad peopo,

2 Records 8:3

Den Solomon go Hamat Zobah an take um ova.