2 Samuel 7:14 - Hawaii Pidgin Bible

¹⁴ I goin come jalike da faddah fo him, an he goin come jalike my boy. Weneva he jam up, I goin punish him, jalike any faddah guy punish his boy fo teach um.

2 Samuel 7:14 交叉參考

Hebrews 1:5

You know, God no talk to da angel guys Da way he talk to his Boy. He tell his Boy, “Today I tell Dat you my Boy!” An anodda place inside da Bible God tell, “I his Faddah, An he my Boy.”

Jesus Show 3:19

Erybody I get love an aloha fo, I show um wea dey no do da right ting, an I help um fo do da right ting. Az why you guys gotta wise up an come sorry fo all da bad kine stuff you do, an no do da bad kine stuff no moa.

1 Records 28:6

He tell me, ‘Yoa boy Solomon, he da one goin build my house an da open lanais aroun um, cuz I wen pick him fo come jalike my boy, an I goin come jalike da faddah fo him.

1 Records 17:13

I goin come jalike one faddah fo him, an he goin come jalike my boy. I goin stay tight wit him all da time, not da way I wen bag from Saul, da time he was king befo you.

Rules Secon Time 8:5

You guys gotta know, wen you like tell yoa boy fo no do da tings he do wrong fo teach um, az how oua God, Da One In Charge, stay tell you guys too fo teach you.

1 Corint 11:32

Wen Da One In Charge punish us guys, you know, he do dat fo teach us guys da right way. He no like fo us get punish an come wipe out wit all da peopo inside da world bumbye.

Jeremiah 30:11

I stay wit you guys An get you outa trouble. No matta I wipe out all da odda peopos Inside all da place you guys stay cuz I wen scatta you, Fo shua, I no goin wipe out you guys. I goin punish you guys fo teach you one lesson, But ony wen you no go da right way. Still yet, I goin punish you guys litto bit.” Az wat Da One In Charge tell.

Matthew 3:17

An wow! Had one voice from da sky tell, “Dis my boy. I get love an aloha fo him fo real kine, an I stay good inside cuz a him!”

Job 5:17

“Wen peopo jam up, An God tell um wat was da right ting fo dem do, Dey can stay good inside. Az why, no come huhu wen Da God Dat Get All Da Powa Punish you fo teach you someting!

2 Corint 6:18

I goin be yoa Faddah, An you goin be my kids.” Dass wat Da One In Charge wen tell, da One Dat Get All Da Powa.

Jesus Show 21:7

Whoeva fight an win ova da bad kine stuff, dey goin get all dat stuff. I goin be dea God, an dey goin be my kids.”

1 Kings 9:6

“You an da guys dat goin come king afta you, you betta not go da wrong way, an you betta stay tight wit me. An you gotta do eryting jalike I tell you fo do, cuz I get da right fo tell you how you gotta do um. You betta not let da gods from da odda peopos come yoa bosses, an go down in front dem fo show dem love an respeck.

1 Kings 11:34

“ ‘But I no goin take away all da rights Solomon get fo be king. I wen make him one king awready, fo all da time he stay alive. I goin let um stay king, cuz a his faddah David. I wen pick David, da guy dat do eryting I tell um he gotta do. An he wen stick wit my rules.

1 Records 22:10

He da one goin build one temple fo peopo know wat kine god me. He goin come my boy, an I goin come his faddah. An I goin make shua some a da ones from his blood line goin be king ova da Israel peopo foeva.’

Songs 2:7

Dat king, he tell: “I goin tell wat Da One In Charge Wen tell gotta happen. He tell me dis: ‘You, you my boy. An today, I tell dat I yoa faddah.