2 Samuel 7:10 - Hawaii Pidgin Bible

¹⁰ An I goin give one land fo plant my Israel peopo dea. Az how dey goin get one land fo dem. No goin get nobody bodda dem no moa. Da bad kine peopo no goin put presha on dem no moa, jalike dey wen put presha on my peopo wen dey start fo live hea firs time.

2 Samuel 7:10 交叉參考

Amos 9:15

I goin put my peopo on top dea land Jalike I plant um dea. An nobody goin throw um outa dea land, eva. Cuz I wen give um dat land.” Dass wat Da One In Charge tell, an he da God fo dem!

1 Records 17:9

I goin make one place fo my Israel peopo, jalike I goin plant dem inside dea place, an no mo nobody goin bodda dem. Da kine peopo dat do wrong an hurt odda peopo, no goin make dem presha no moa, jalike da way dey wen do from da start.

Jeremiah 24:6

I goin take kea dem fo make shua good kine tings happen to dem, an I goin bring dem back to dis land. Jalike I goin build dem up one mo time inside dis land an no bus um up. Jalike I goin plant dem fo make um come solid, an I no goin pull um up outa da groun jalike plants.

Isaiah 60:18

No goin get noise inside yoa land no mo From peopo dat stay hurt each odda. Nobody goin wipe out stuff O broke up stuff inside yoa land. But wen you guys build one town wall, You goin give um da name ‘God get us outa trouble.’ An wen you guys put up one town gate, You goin give um da name ‘Da One In Charge stay good.’

Ezekiel 28:24

“ ‘From dat time, da Israel peopo no goin get bad peopo dat live all aroun dem no moa, dat ack jalike thorns an stickas dat hurt. Den dey goin know dass me Da One In Charge, da Boss, da One dat do all dat.

Songs 80:8

Wen you wen bring yoa peopo Outa Egypt, Az jalike you take One grape plant from ova dea. An afta you chase da diffren peopos Outa dis land, You let us guys live inside da land. Az jalike you plant dat grape plant Inside da groun ova hea.

Jeremiah 18:9

“An if anodda time I tell dat I goin make one peopo o one king an his peopo come strong,

Jesus Show 21:4

God goin wipe away all da tears from dea eye. Nobody goin mahke no moa. Nobody goin stay sad inside, O cry, o suffa, Cuz da way tings wen happen befo time, All dat goin come pau!”

Hosea 2:18

Dat time I goin make one deal Wit da wild animals inside da fields, Da birds inside da sky, An da small animals dat move aroun on top da groun. I goin take away da bows an arrows, da swords, an wars from da land. Den erybody can live an no mo notting goin hurt dem.

Outa Egypt 15:17

“Eh! You Da One In Charge! You goin take yoa peopo To da place you wen make ready fo you live dea. Jalike you stay plant um fo grow On top yoa mountain, Da place you wen make fo you stay, Da place dass spesho fo you, Da One In Charge, Da place you, my Boss, wen make ready wit ony yoa hands!

Isaiah 5:7

“So, az da story bout dis peopo! Da One In Charge, Da God Ova All Da Armies, His grape field, dass da Israel peopo! An da plantation dat make Da One In Charge feel good inside Wit plenny love an aloha, Dass da peopo from da Judah districk. Da One In Charge wait fo peopo Fo judge da right way, But dey ony stay kill each odda! He wait fo peopo fo do da right ting erytime, But dey ony make each odda yell fo somebody help dem.”

Isaiah 5:2

He dig up da groun, Take away all da stones dea, An plant good kine grape plants. He build one towa in da middo Wea his worka guys can watch um. He even cut da stone one place nea dea Fo step all ova da grapes Fo press out da juice fo make wine. He wen wait fo da good grapes get fruit. But wat wen come out was real sour kine grapes.

Songs 44:4

Eh God! You da king dass ova me! You da one Dat make us Israel guys win!

Local Leadas 4:3

Jabin get nine hundred iron war wagons. He put mean kine presha on top da Israel peopo fo twenny year. So dey yell to Da One In Charge fo help dem.

1 Samuel 13:17

Da Filisha guys sen out three bunch army guys fo fight. One bunch go north fo go Ofrah town nea Shual,

Outa Egypt 1:22

Den, da Pharaoh guy tell all his peopo, “All da small boy kine bebes from da Israel peopo, throw um inside da Nile Riva! But da girl kine, let um live.”

2 Kings 21:8

Ony if da Israel peopo make shua dey do eryting dat I tell um fo do. If dey stick wit all da rules dat my worka guy Moses wen give dem, den I no goin make dem go all ova da place one mo time, jalike befo time I wen do. If dey stick wit da rules, I no kick um outa da land I wen give to dea ancesta guys.”

2 Records 33:8

I wen tell yoa ancesta guys dat I no goin make da Israel peopo leave da land one mo time. But dass ony if dey make shua dey do eryting I wen tell dem fo do—dass all da Rules I wen give Moses fo teach dem, an da tings I tell dey gotta do fo judge da right way.”

Songs 44:2

Was cuz a yoa powa Dat you wen throw out Da odda peopos. Dis jalike you wen plant yoa peopo Ova hea. You wen hurt da odda peopos plenny, An make yoa peopo grow plenny.

Songs 80:9

Da way you wen clean out Da land fo us guys, Dass da same way peopo clean out Dea land fo put grape plant. Den az jalike us guys Get real strong root An fill up da whole land.

Isaiah 60:21

“Dat time, all yoa peopo goin do da right tings. Dey goin own da land foeva, Jalike I plant one young plant An put um dea. Me, I do all dat Fo peopo see dat I awesome.