2 Samuel 6:20 - Hawaii Pidgin Bible

²⁰ David go home fo tell his ohana he like God make eryting go good fo dem. But befo he come inside, Saul girl Michal (az David wife) go outside fo tell him howzit. She tell, “Bummahs! You da Israel king. But you lose face today cuz how you wen make! You let da slave wahines dat work fo yoa guys, see yoa body! Dass how da kine guys dat no worth notting stay do, you know!”

2 Samuel 6:20 交叉參考

2 Samuel 6:16

So dass how da Box Fo Da One In Charge come inside David Town. But wen Saul girl Michal, (dass David wife), look down thru her window, she spock King David jumping, spinning, an dancing in front da Box Fo No Foget Da One In Charge. She start fo tink, “No good, dis David guy!”

2 Samuel 6:14

David, he go all out fo spin an dance real hard in front Da One In Charge. He wear one pries kine linen ves.

Local Leadas 9:4

Dey give him twenny-eight ounce silva from da Baal-Berit temple. Abimelek use da silva fo pay some no good buckaloose guys fo back him up.

Mark 3:21

Wen Jesus ohana hear dat, dey go fo take him away. Dey tell, “He wen go pupule!”

Songs 101:2

I goin tink plenny bout how fo live Fo nobody poin finga me. So den, wen you goin come by me? Wen I stay inside my palace Fo judge peopo, I goin know Nobody can poin finga me.

Songs 30:1

Eh! You Da One In Charge! I stay tell good tings bout you Cuz you get me outa trouble! Da peopo dat stay agains me, You no let dem win ova me An feel good bout dat.

Job 30:8

Dey stupid, an no mo nobody know dea name. Peopo wack um an push um outa da land.

1 Records 16:43

Den all da peopo go back dea house. An David go back fo tell God he like God fo do good kine stuff fo David ohana.

2 Samuel 6:18

Den David pau make da burn up kine sacrifices, an da kine sacrifices dat show dat eryting stay good wit Da One In Charge an da peopo. Da las ting David do, he use Da God Ova All Da Armies name, Da One In Charge, fo tell dat he like fo Da One In Charge make eryting go good fo all da peopo.

Joshua 24:15

But if you guys no like work fo Da One In Charge, den today pick wat gods you goin work fo! Goin be da gods yoa ancesta guys wen work fo da odda side a da Eufrates Riva, o da gods fo da Amor peopo wea you live now, o wat?! But me an my ohana, us guys goin work fo Da One In Charge!”

Start 18:19

“He da guy I wen pick fo come tight wit me. Dass how I know he goin tell his kids, an da peopo dat work fo him, an da peopo dat goin come from dem, dat dey all gotta live da way I tell um fo live, fo dem do da right ting erytime an stick wit my rules. Dass how I goin make happen fo Abraham da tings dat I wen tell him goin happen. Az why I goin tell um dis!”

John 13:6

He go by Simon Peter. An Peter tell um, “Eh, Boss! Wat you stay do? You goin wash my feets, o wat?!”

Mark 14:66

All dis time Peter stay downstairs inside da open lanai. Had one girl dea dat work fo da Main Pries Guy.

1 Samuel 14:49

Saul boys, Jonathan, Ishvi, an Malki-Shua. His older girl Merab, an da younga girl Michal.

2 Samuel 6:19

Den he give out one roun bread, an one date bread, an one block press kine raisin fo all da Israel guys an wahines dat stay dea. Den all da peopo go back home.

Teacha 7:17

No go ack mo bad den anybody. No go make stupid kine. You like mahke befo yoa time fo mahke, o wat?!

1 Samuel 18:20

But Saul odda girl Michal, she love David. Somebody tell Saul, an he tink “Az good!”