2 Samuel 6:19 - Hawaii Pidgin Bible

¹⁹ Den he give out one roun bread, an one date bread, an one block press kine raisin fo all da Israel guys an wahines dat stay dea. Den all da peopo go back home.

2 Samuel 6:19 交叉參考

Nehemiah 8:10

Nehemiah tell da peopo, “You go now. Go eat fancy kine food an drink sweet kine wine. Sen some food to da peopo dat neva get notting ready fo eat. Cuz dis day, you know, real spesho fo oua Boss! No stay sad inside cuz Da One In Charge make you guys feel good inside, an az why you strong.”

Efesus 4:8

Dass why da Bible tell dis from befo time, “He go up to da high place. He fight an win, an take plenny prisonas. An he give plenny stuffs to da peopo.”

Jesus Guys 20:35

I do all dat fo show you guys dat by dis hard work, we gotta help da guys dat no stay strong inside. I no foget wat Da One In Charge, Jesus, wen tell, ‘Da guy dat give, he stay mo betta inside den da guy dat get.’ ”

Ezekiel 45:17

Da prince suppose to give da animal fo da burn up kine sacrifices, da wheat o barley sacrifices, an da drink sacrifices fo da spesho religious ceremonies, da New Moons, an da Res days, fo all da spesho religious ceremonies fo da Israel ohana peopo. He goin give da stuff fo da sacrifices cuz a da bad kine stuff dey wen do too, da wheat o barley sacrifices, da burn up kine sacrifices, an da sacrifice fo show dat da peopo stay good wit me, dat make da Israel peopo come pono wit me.

2 Records 30:24

King Hezekiah from Judah give 1,000 cows an 7,000 sheeps an goats fo da peopo.

2 Records 7:10

Da numba seven month, day numba twenny-three, Solomon sen da peopo back to dea houses. Dey stay real good inside cuz a all da good kine stuff Da One In Charge wen do fo David, Solomon, an his Israel peopo.

1 Records 16:3

Den he give one roun bread, an one date bread, an one block press kine raisin fo ery Israel guy an wahine.

1 Kings 8:66

Da day afta dey pau, Solomon tell da peopo fo go home. Dey tell da king “We like God do good tings fo you!” Den dey go back home. Dey feel real good inside, an dey dance an sing, cuz a all da good tings dat Da One In Charge wen do fo his worka guy King David, an fo his peopo, da Israel peopo.

2 Samuel 6:18

Den David pau make da burn up kine sacrifices, an da kine sacrifices dat show dat eryting stay good wit Da One In Charge an da peopo. Da las ting David do, he use Da God Ova All Da Armies name, Da One In Charge, fo tell dat he like fo Da One In Charge make eryting go good fo all da peopo.

2 Samuel 6:20

David go home fo tell his ohana he like God make eryting go good fo dem. But befo he come inside, Saul girl Michal (az David wife) go outside fo tell him howzit. She tell, “Bummahs! You da Israel king. But you lose face today cuz how you wen make! You let da slave wahines dat work fo yoa guys, see yoa body! Dass how da kine guys dat no worth notting stay do, you know!”

1 Records 16:43

Den all da peopo go back dea house. An David go back fo tell God he like God fo do good kine stuff fo David ohana.

Love Song 2:5

Make me come strong wit raisins, Make me come new one mo time wit apples, Cuz I love him plenny, dat make me come weak!

Hosea 3:1

Da One In Charge tell me, “Go show yoa wife one mo time dat you get love an aloha fo her, no matta anodda guy love her an she stay fool aroun wit him. Go love her, jalike me Da One In Charge still love da Israel peopo, no matta dey turn away an go wit odda gods, an dey plenny ono fo eat da raisin cakes from da ceremonies fo da odda gods.”

Joshua 22:6

Den Joshua tell Da One In Charge fo do good tings fo dem, an he tell um okay fo dem go. Den dey go home.