2 Samuel 6:12 - Hawaii Pidgin Bible

¹² Peopo tell King David, “Da One In Charge stay make eryting go good fo Obed-Edom an eryting he get cuz a da Box Fo God.” So David go ova dea fo bring da Box Fo God from Obed-Edom house up to David Town. Erybody stay dance an sing an stay good inside.

2 Samuel 6:12 交叉參考

1 Records 15:25

Dass how David, da older leadas fo da Israel peopo, an da leadas fo tousan an hundred army guys go fo bring up da Box Fo No Foget Da Deal Wit Da One In Charge from Obed-Edom house. Dey all stay real good inside.

Matthew 10:42

Whoeva give one guy dat I stay teach hea even one drink cold watta, jus cuz he one guy I stay teach, no matta he ony one regula guy, I tell you guys fo shua, God goin have plenny good kine stuff bumbye in da sky fo him.”

1 Kings 8:1

Den King Solomon tell da older leada guys fo da Israel peopo, da main guys fo da twelve big ohanas, an all da ohana leadas fo da Israel peopo, fo come togedda by him, Jerusalem town. All dese guys come by Solomon fo help bring da Box Fo No Foget Da Deal Wit Da One In Charge, from da part dey call King David Town, dass Zion, fo put um inside da Temple.

2 Samuel 5:7

But David, he take ova da strong wall aroun Mount Zion! Nowdays, dass da place dey call “David Town.”

2 Records 5:2

Den Solomon call da older leadas fo da Israel peopo fo come togedda Jerusalem side—all da leadas fo da big ohanas, an da main guys fo da small Israel ohanas. He tell dem fo bring up da Box Fo No Foget Da Deal Wit Da One In Charge from da place wea stay inside David Town, dat peopo call Mount Zion.

1 Kings 8:3

Wen all da leada guys fo da Israel peopo come David Town, da pries guys go pick up da Box.

1 Kings 8:4

Den da Levi ohana guys an da prieses bring up da Box Fo No Foget Da Deal Wit Da One In Charge, an da Tent Fo Come Togedda Wit God, an all da pots an tings dat spesho fo God fo use inside da Tent.

1 Records 15:15

Az how dat time da Levi guys carry da Box Fo God wit da poles on top dea shouldas, jalike Moses wen tell um fo do da way Da One In Charge wen tell.

1 Records 16:16

Dass da same deal he wen make wit Abraham, Da promise he wen make to Isaac fo shua.

1 Records 26:4

Obed-Edom get boys: Shemaiah numba one fo born, Jehozabad numba two, Joah numba three, Sacar numba four, Netanel numba five,

1 Records 26:5

Ammiel numba six, Issakar numba seven, an Peulletai numba eight (get plenny boys cuz God do good tings fo Obed-Edom).