2 Samuel 4:5 - Hawaii Pidgin Bible

^5-7 So Rekab an Baanah, Rimmon boys from Beerot, dey go Ish-Boshet house. Dey come dea wen da sun stay real hot, aroun noon time. Ish-Boshet stay res on top his bed, inside da bedroom. Dey go inside da house, an ack jalike dey goin get some wheat. But dey stab Ish-Boshet inside da belly an kill um. Afta dey stab um, dey cut off his head. Den Rekab an his braddah Baanah bag outa dea. Dey take da head wit dem, an go all nite makai da Jordan Riva valley.

2 Samuel 4:5 交叉參考

2 Records 25:27

From da time Amaziah bag from follow Da One In Charge, get Jerusalem guys dat make one plan fo kill him. Amaziah run away Lakish side, but dey sen guys afta him Lakish side, an kill him ova dea.

2 Records 24:25

Da Aram army guys wen cut Joash plenny wit swords. An wen da Aram guys go way, his palace guys make one secret plan agains him. Az cuz he wen kill Jehoiada da pries guy boy. So da palace guys kill Joash wen he stay on his bed. He mahke, an dey bury him inside da David Town part a Jerusalem, but not inside da places fo bury da king guys.

1 Kings 16:9

One guy Zimri, one a da palace guys fo Elah dat stay in charge a half da war wagons, make one plan fo kill Elah. Dat time, Elah go Tirzah side, Arza house, da guy dat stay in charge a da Tirzah palace, an he stay drink an come piloot ova dea.

2 Samuel 11:2

One time wen almos dark, David get up from his bed, an walk aroun on top da flat roof a da palace. From up dea, he see one wahine bafing. She real good looking! (She jus pau her period, an she bafe fo her go back in front God one mo time.) David sen one guy fo find out mo bout her. Da guy tell, “Fo shua, az Batsheba. Her faddah, Eliam, an her husban, Uriah da guy from da Het peopo.” Den David sen messenja guys fo bring her. She come by him, an he wen fool aroun wit her. Den she go home.

2 Samuel 2:8

Same time, Abner, Ner boy, da general fo Saul army, take Saul boy Ish-Boshet, an bring him Mahanaim side, da east side a da Jordan Riva.

2 Records 33:24

Amon helpa guys make one plan agains him, an dey kill him inside his palace.

2 Samuel 4:2

Two guys in Saul boy Ish-Boshet army lead da army guys dat go attack towns wea da peopo stay agains Ish-Boshet an steal stuff. Dey braddahs, Baanah an Rekab. Dea faddah, Rimmon from Beerot town, from da Benjamin ohana. You know, erybody tink dat Beerot, az one Benjamin town inside da Benjamin ohana land.