2 Samuel 23:3 - Hawaii Pidgin Bible

³ Da God fo da Israel peopo, he talk. Him, jalike one big cliff wea da Israel peopo can hide. “He tell me: ‘Anybody dat lead da peopo an do wass right, An lead um cuz he get choke respeck fo God,

2 Samuel 23:3 交叉參考

2 Samuel 22:32

Cuz no mo anodda god dass fo real. Da One In Charge, he da ony God! No mo anodda god dat stay strong Jalike he one big solid rock. Oua God, he da ony one!

Rules Secon Time 32:4

God, he jalike one big stone. Wateva he do erytime stay perfeck. Eryting he do stay right. He da God dat do wat he tell he goin do. He no do notting wrong. He ony do tings dass good an right.

Outa Egypt 18:21

Same time, from all da peopo, go find an pick guys dat can handle dis job. Pick da kine dat stay sked weneva dey stay in front God cuz dey get awesome respeck fo him. Dey gotta be da kine guys you can trus, an dat no goin make any kine jus fo get plenny money. Make some a dem da main leada guys fo tousan peopo, an odda ones da main leada guys fo hundred peopo, fifty peopo, an ten peopo.

Hebrews 1:8

But God talk to his Boy lidis: “My Boy, you God. You goin stay king foeva. Da spesho stick you carry fo show dat you da King, Dat mean you da King dat erytime do da right ting.

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

Songs 72:2

Weneva he judge yoa peopo, God, Let him judge um da right way. Even wen he judge yoa pooa ting guys, Let him make eryting Come right fo dem.

Songs 42:9

I goin talk lidis to God: “Eh! You jalike One big solid rock fo me! So, how come You wen foget bout me?! How come I gotta live all sore inside, Erytime da peopo dat stay agains me, Come afta me?!”

Start 33:20

Jacob put up one altar dat place, an he call um El-Elohe-Yisrael, dat mean “God, he da God fo Israel,” dea language.

Jeremiah 23:5

Da One In Charge tell: “An you know wat?! Da time goin come bumbye Wen I goin do dis fo King David: I goin make one guy from King David blood line Come da king. Jalike King David da Root An dis guy da New Branch dat come out from him, One guy dat goin do wass right erytime. He goin be da kine king dat know how come stuff happen. He goin keep all da rules An do wass right inside da land.

Isaiah 32:1

Look! Fo make shua eryting stay right, Goin get one king stay in charge. He goin get odda leada guys Dat goin judge da right way too.

Smart Guys 31:9

‘Open yoa mout an judge da right way. Make shua da peopo dat no mo notting An da ones dat stay suffa get dea rights.’ ”

Songs 110:2

Da One In Charge stay On top Mount Zion, Jerusalem side, An he goin make you strong Fo be da king ova mo an mo peopo. No matta get peopo all aroun you Dat stay agains you, You da one goin be in charge.

Nehemiah 5:14

From da time dat King Artaxerxes make me govna fo da Judah land, in da numba 20 year dat he was King, till da numba 32 year, dass 12 year, me an my braddahs had da right fo use da govmen money fo buy food. But we neva do dat. We buy oua food wit da money we get.

Outa Egypt 20:2

“Dis me, Da One In Charge, yoa God, dat stay talk. Was me wen get you guys outa da Egypt land, wea you guys was slaves.

Outa Egypt 3:15

God tell Moses fo tell da Israel peopo: “Da One In Charge, he da same God dat yoa ancesta guys wen pray to. He da God fo Abraham, fo Isaac, an fo Jacob. Was him wen sen me by you guys. “An no foget, Da One In Charge, Dass my name foeva! Dass how you goin teach yoa kids Fo no foget who me, An same ting fo dea kids, foeva!

1 Kings 10:9

I like tell yoa God, Da One In Charge, ‘Mahalo!’ cuz he da One stay do good tings fo you. Fo shua, he feel good inside wen he tink bout you! Az why he wen make you da king fo da Israel peopo. An cuz Da One In Charge get love an aloha fo da Israel peopo foeva, he make you dea king, so you judge dem da right way an do da right tings fo dem.”

Job 34:17

Somebody dat hate fo do wass right, You tink dey can be leadas? You goin poin finga da Strong One dat erytime do wass right?

Songs 72:1

Eh God! Teach da new king fo know Wass right an wass wrong, Jalike you know um, An help him do da right ting erytime Jalike you do um. Dis fo da new king, Dat wen born from da ol king.

2 Samuel 8:15

David stay da king ova da Israel peopo. He judge da right way, an he do wat stay right fo all his peopo.