2 Samuel 22:9 - Hawaii Pidgin Bible

⁹ Wen God come huhu, jalike smoke go up from his nose An fire come outa his mout an burn up stuff! From him, fire come jalike charcoal stay burn.

2 Samuel 22:9 交叉參考

Hebrews 12:29

You know, jalike da Bible tell, “Oua God, he jalike one fire dat burn up eryting.”

Habakkuk 3:5

He sen da real bad kine sick in front him. Peopo mahke afta he leave.

Jeremiah 15:14

I goin let da peopo dat stay agains you guys Take you guys away Inside one land you guys donno from befo time. I goin do all dis cuz I stay real huhu wit you guys, Jalike one hot burning fire.”

Jeremiah 5:14

Az why Da One In Charge, da God Ova All Da Armies, tell dis to me, Jeremiah: “Cuz da peopo wen talk lidat, Dis wat I goin do: I goin put my words inside yoa mout. Wat you tell dem goin come out jalike one fire, An dese peopo, dey goin come Jalike da wood dat da fire goin burn up!”

Isaiah 30:27

Look! You know wat kine god Da One In Charge! Now he come from one far place. He stay real huhu, Jalike he stay burning, An plenny smoke stay coming outa him! He ony talk bout Wat da guys dat stay agains him stay do. He no goin take dat. Wen he talk, jalike wat he tell, Goin burn eryting up.

Songs 18:15

Da One In Charge tell “Not good, wass happening!” Den he blow one real hard blas so can see da bottom a da ocean, An can see da foundation rock wea da earth stan.

Songs 18:8

God come huhu, Jalike smoke come outa his nose. Jalike fire come outa his mout Dat burn up stuff. From him, fire come Jalike kiawe stay burning.

Job 4:9

From his mout God blow, an dey come wipe out. He come huhu, an dass it fo dem.

2 Samuel 22:16

Da One In Charge yell, ‘Wat you guys stay do, not good!’ An he blow real hard cuz he huhu, Cuz a dat, can see da places wea da watta move thru da ocean, An can see da foundation, da ocean bottom.

2 Samuel 22:13

Aroun God, get one real bright light, Wit lightnings flashing jalike fire from burning charcoals.

Rules Secon Time 32:22

I stay huhu jalike one fire dat stay burn. Da fire dat burn all da way To da bottom a da Mahke Peopo Place, Goin burn up da earth an da food dat grow on top um. Goin burn up da foundations fo da mountains.

Outa Egypt 19:18

All ova Mount Sinai, get plenny smoke, cuz Da One In Charge come down from inside dea, burning jalike fire. Da smoke go up jalike da smoke from one place wea dey melt metal. Da whole mountain stay shake plenny!

Isaiah 30:33

Da place outside Jerusalem Wea da peopo dat donno God Burn up dea kids Fo make one sacrifice fo dea idol kine gods, From long time, jalike dat place stay ready Fo burn up da Assyria king. Somebody wen dig da burning place Real deep an real wide. Get plenny fire An plenny wood all pile up dea. Wen Da One In Charge blow on top um, Make um start fo burn, Jalike one burning sulfur riva Make da wood pile burn.