2 Samuel 22:51 - Hawaii Pidgin Bible

⁵¹ “Me, da king dat stay work fo you, You make me win all da wars. You wen put olive oil on top my head Fo show dat you wen pick me fo come king. Dass why you goin stay tight wit me all da time, foeva Wit me, King David, An wit all da king guys dat bumbye goin come from me!”

2 Samuel 22:51 交叉參考

Songs 144:10

Cuz you da one Dat get king guys outa trouble, An no let nobody come afta me, David, yoa worka guy, Wit one sword fo kill me.

Songs 89:29

I goin make shua Dat da peopo dat goin come From David blood line, Goin stay in charge. Goin get one a dem wit da right Fo sit on top David throne foeva, Jalike da sky stay foeva.

Songs 89:20

I wen go find David, An he work fo me. I wen put da oil dat stay spesho fo me On top his head, Fo show I wen pick him.

Songs 18:50

Me, I da king dat stay work fo you, An you make me win da war plenny times. You wen pick me An put oil on top my head fo show dat. An you goin stay tight wit me foeva, Tight wit me, King David, An wit all da odda king guys dat goin come from me.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Jeremiah 30:9

But dey goin work fo me, dea God, Da One In Charge, An fo David dea king, Wen I make somebody from David line Come king fo dem.

Songs 91:2

I tell dis bout Da One In Charge: “Him, he jalike one strong wall Dat no let notting hurt me. He da God fo me. I trus him.”

Songs 89:36

Goin get peopo dat come from him Fo be da king in front me foeva, Jalike da sun come up foeva.

Songs 89:26

He goin tell me, ‘Eh God, you my faddah! You da God fo me. You get me outa trouble cuz you strong Jalike one big rock.’

Songs 48:3

God stay inside da strong buildings Dat stay dea. He make shua da peopo ova dea know Dat notting goin hurt dem, Cuz he jalike one strong building Fo dem too.

Songs 21:1

Eh! You Da One In Charge! Da king real happy Cuz you stay strong! Da king like throw one party Cuz you wen help him win da war!

Songs 3:3

Eh! You Da One In Charge! You, jalike one shield aroun me, Dat no let me get hurt. You da one dat make me come awesome You put me back on top my throne.

2 Samuel 22:2

He tell: “Da One In Charge, he make shua notting bad happen to me, Jalike he one cliff wea I can hide, an one mountain place wea nobody can come dea. He da One stay get me outa trouble.

Songs 89:24

David goin know fo trus me Cuz erytime I do wat I tell. He goin know dat I stay tight wit him. Cuz he my guy, he goin come Mo an mo strong.

2 Samuel 7:16

Yoa ohana goin stay solid foeva. Same ting fo da king guys in da line dat come from you. Da right you guys get fo be da king, goin stay solid foeva too.’ ”

2 Samuel 23:1

Dis da las poem David wen make fo da peopo: “Dis da message fo my peopo from me, King David. My faddah, Jesse. Dis da message from me, Da guy dat God wen make importan, Da one God wen tell Samuel put oil on top my head Fo show God wen pick me. Az da same God Jacob wen pray to, you know! Dis da guy dat make sweet songs Fo da Israel peopo.