2 Samuel 22:44 - Hawaii Pidgin Bible

⁴⁴ Eh! You Da One In Charge! You da One take kea me Wen da peopos go agains me! You let me stay in charge a plenny diffren nations. Da peopos dat stay work fo me now, I neva know dem from befo time.

2 Samuel 22:44 交叉參考

Isaiah 55:5

An den, I tell dat guy, ‘You goin tell da nations fo come, Dat you donno befoa. An da peopo in da odda countries Dat donno you, Dey goin run to you. Az cuz me Da One In Charge, yoa God, Da Good An Spesho One fo da Israel peopo, Da One make you come awesome.’ ”

2 Samuel 3:1

Az how da Saul ohana an da David ohana start fo fight each odda long time. David stay come mo an mo strong, an da Saul ohana stay come mo an mo weak.

2 Samuel 19:14

Wat David tell, change da mind a all da Judah peopo fo dem all tink da same way. Dey sen somebody fo tell da king, “Go come back, you an all yoa guys!”

2 Samuel 19:9

All ova da Israel ohanas, all da peopo make argue wit each odda. Dey tell, “King David wen get us guys outa da powa a da peopo dat stay agains us. He da one wen get us guys outa da powa a da Filisha guys. But now, he gotta run away from oua country awready cuz a Absalom.

Rules Secon Time 28:13

Da One In Charge garans goin make you guys come mo betta den erybody. No mo nobody goin be mo betta den you. If you guys lissen wat yoa God, Da One In Charge, tell you fo do, jalike I stay tell you guys today fo do, make shua you do um. Den you guys erytime goin be da winna, not da looza.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Rome 15:12

Isaiah wen tell dis inside da Bible too: “From Jesse boy King David, Goin get anodda Guy dass goin come bumbye. He goin come da leada fo all da diffren peopos. Dey know dat he goin come bumbye, An dat dey goin trus him cuz dey know who him.”

Rome 9:25

Jalike God tell befo time from Hosea, one book inside da Bible, “Get peopo dat not my peopo, But still yet I goin call um ‘my peopo.’ Goin get one nation dat I neva have love an aloha fo, But den, I goin call um ‘da nation I get love an aloha fo.’ ”

Hosea 2:23

I goin plant da Israel peopo inside da land fo be my peopo. I goin show love an pity fo da ones I wen call um Lo-Ruhamah, dat mean ‘nobody pity dem.’ An fo da ones dat I wen call um Lo-Ammi, dat mean ‘dey not my peopo,’ But I goin tell um, ‘Now you my peopo!’ An dey goin tell, ‘You oua God.’ ”

Daniel 7:14

Da One Dat Stay From Befo Time give da guy Da powa fo stay in charge. He make peopo get respeck fo him An let him be dea king. All da diffren peopos From ery country an ery language Goin show dat guy love an respeck. Da powa he get fo stay in charge, He get um foeva. Dat powa goin be lidat foeva, An no mo nobody goin ovathrow him.”

Isaiah 65:1

Da One In Charge tell: “I wen stay ready fo help da peopo But dey neva aks fo me help um. Da peopo dat neva go look fo me, I wen let dem find me. Dose peopo dat nobody call ‘da peopo a Da One In Charge,’ I tell dem, ‘I stay hea! I stay hea!’

Isaiah 60:12

Cuz da king o country dat no help you guys, Da peopo goin mahke An da country goin get wipe out.

Songs 110:6

He goin punish da diffren peopos. He goin leave dea mahke bodies All ova da place. He goin smash da main leada guys All ova da world.

Songs 18:43

Eh! You Da One In Charge! You da one dat make me win Agains da peopo dat poin finga me! You put me in charge a plenny diffren peopos. Da peopo dat stay work fo me now, I neva know dem from befo time.

Songs 2:8

You ony gotta aks, An I goin give you All da diffren peopos Fo be yoa property. Da whole world, dass goin be Yoa land.

2 Samuel 20:22

Den da wahine tell all da town peopo wat dey gotta do. Dey cut off Sheba head, an throw um outside by Joab. So Joab blow da sheep horn trumpet, an his guys go way from da town. All da army guys go back dea place. An Joab go back Jerusalem town by da king.

2 Samuel 5:1

Da leada guys from all da ohanas dat come from Israel, dey go by David, Hebron town. Dey tell, “Us guys, we stay yoa side, cuz us get da same blood an bones.

Isaiah 55:4

Look! Da one I wen make da promise bout, I let him tell all da diffren peopos wat I stay do, An be dea leada guy, an give dem my Rules.