2 Samuel 22:4 - Hawaii Pidgin Bible

⁴ Wen da peopo dat stay agains me attack me, I yell to Da One In Charge fo help me. He da One get me outa trouble. He da One, good fo erybody tell dat he da greates!

2 Samuel 22:4 交叉參考

Songs 18:3

Da One In Charge, he good, An az good fo erybody tell dat he good! An wen I yell fo him help me, He da One get me outa trouble From da peopo dat stay agains me!

Jesus Show 5:12

Dey sing wit one loud voice: “Dey wen kill God Bebe Sheep Guy Jalike one sacrifice. So he get da right fo get all kine powa, An rich kine stuffs, An fo know wat fo do erytime, An fo be real strong! He get da right fo erybody show respeck to him, An tell how awesome he stay, An tell him he get one good heart cuz he give us eryting!”

Rome 10:13

Cuz da Bible tell, “Erybody dat aks Da One In Charge fo help um, he goin take um outa da bad kine stuff dey stay do.”

Songs 116:2

Cuz Da One In Charge lissen real good, All my life, I goin yell to him Fo help me!

Songs 96:4

Cuz Da One In Charge, he big! Good fo erybody tell Good tings bout him! You gotta get respeck fo him, Mo den fo all da odda gods!

Songs 48:1

Da One In Charge, he da greates! Real good fo erybody Tell he da greates Ova dea inside God town, On top da hill dat stay spesho fo him!

Jesus Show 4:11

“You Da One In Charge a us guys, An you oua God! You stay spesho fo get da right Fo erybody tell dat you stay awesome An show respeck fo you, An let you take charge a dea powa. Cuz you wen make eryting Fo be how you like.”

Songs 116:17

I goin call fo you help me, Cuz I know wat kine god you, An I goin make one sacrifice fo you, Fo tell you “Mahalo plenny!”

Songs 116:13

I goin tell Da One In Charge “Mahalo plenny!” Cuz I know wat kine god him. An I goin make one drink kine offering, Cuz he wen get me outa trouble.

Songs 116:4

Den I yell fo Da One In Charge help me, Cuz I know wat kine god him. I wen pray lidis: “Eh! You Da One In Charge! Try help me! Get me outa trouble, Fo me no gotta mahke!”

Songs 106:2

No mo nobody can tell All da tings Da One In Charge do Cuz he strong, An no can tell eryting Bout how awesome him!

Songs 66:2

Sing fo tell God he pono, An he da bestes! Tell um you stay good inside cuz a dat!

Songs 56:9

Den bumbye, wen I yell fo help, Da guys dat stay agains me Goin turn aroun an run away. I know dis: God stay on my side.

Songs 55:16

But me, I stay yell to God fo help me. Da One In Charge Goin get me outa trouble!

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Songs 34:6

Me, I ony one guy dat no mo notting. I wen yell fo somebody help me. Da One In Charge, he wen hear me! He wen get me outa all kine trouble!

Nehemiah 9:5

Den da main guys from da Levi ohana—dass Jeshua, Kadmiel, Bani, Hashabneiah, Sherebiah, Hodiah, Shebaniah, an Petahiah—dey tell da peopo, “Stan up! Tell erybody da good tings dat Da One In Charge do fo you guys. He stay da God fo you guys, from da time eryting wen start, an foeva an eva!” So den one a dem talk to God lidis: “We like tell erybody da good tings you do! We know you one awesome God! You do mo plenny good tings den us know how fo tell, An you mo awesome den awesome!”

2 Records 20:22

Same time da singa guys start fo sing loud an tell good tings bout Da One In Charge, get odda guys dat stay hide nea da odda army. Was Da One In Charge put um ova dea. Dey go jump da guys from Ammon, Moab, an da Seir Range dat stay come fo fight da Judah peopo. Da guys dat stay hide jam up da odda guys lidis: