2 Samuel 22:24 - Hawaii Pidgin Bible

²⁴ In front God, no mo nobody can poin finga me. I make shua I no do notting bad An God no goin punish me.

2 Samuel 22:24 交叉參考

Start 6:9

Dis da Noah story. Noah was one guy dat do da right ting erytime. From all da peopo dat live dat same time, nobody can poin finga Noah, cuz Noah stay tight with God, wateva Noah stay do, az why.

Job 1:1

Had one guy Job. He live da Uz land. Dat guy, no mo nobody poin finga him. He erytime do da right ting. He get awesome respeck fo God, an stay away from da bad kine stuff.

Start 17:1

Laytas, wen Abram 99 year ol awready, Da One In Charge let Abram see him. He tell um, “Me, I Da God Dat Get All Da Powa. So, live da way I tell you fo live, an no do notting dat goin make shame.

Hebrews 12:1

So den, wat bout us guys? All dose peopo dat trus God befo time, jalike dey all run one race. An now, jalike dey all stan aroun us guys fo spock us run da race. Az why we gotta hemo all da heavy kine stuff dat make us run slow, an da bad kine stuff dat jam us up. We gotta hang in dea an no give up, an run da whole race dass fo us.

Efesus 1:4

Befo God make da world, he pick us awready fo come his guys an fo stay tight wit Christ. He wen like fo us come good an spesho fo him. So den no goin get nobody fo poin finga us guys. God know eryting bout us guys. He get choke love an aloha fo us.

2 Corint 5:11

Us get choke respeck fo God. Dass why we try fo help da peopo get da same kine respeck fo him. God know how we stay inside. I like you guys know how we stay inside too.

John 1:47

Jesus spock Natanael stay come by him, an he tell, “Dis guy one fo real kine Israel guy. No mo notting fake inside him! He erytime tell da trut.”

Smart Guys 4:23

Da ting is, you gotta fo real kine make shua An watch out how you tink. Cuz da way you tink, Dass how you goin live fo eryting you do.

Songs 84:11

Cuz oua God, Da One In Charge, He show us guys wea fo go Jalike wen da sun shine. An he proteck us guys Jalike one shield. He like do plenny fo us guys, An he make us come mo awesome. Da One In Charge, He no goin hold back notting good From da peopo dat stay do wass right.

Songs 51:6

Fo shua you feel good wen I tell da trut, Even bout da secret kine tings Dat nobody but me know. So help me know fo real kine Wat I gotta do Bout da stuff I stay hide.

Colosse 1:21

An you guys, befo time you guys was far away from God, an like beef wit him, in da way you tink an in da bad kine stuff you do.

Colosse 1:22

But now Christ make eryting come pono wit God cuz Christ wen mahke die dead in his body. Az how he make you guys come good an spesho fo God so nobody poin finga you guys an give you da blame. Az da way he see you guys.

Start 7:1

Den Da One In Charge tell Noah, “Time awready! Go inside da boat, you an all yoa ohana. Cuz from all da peopo dat stay alive, you da ony guy I see dat do da right ting erytime.

Songs 17:1

Eh! You Da One In Charge! I stay tell you Fo do da right ting fo me, so try lissen! I stay yell to you fo help me, So try lissen real good! I stay pray to you, An I no bulai notting.