2 Samuel 22:23 - Hawaii Pidgin Bible

²³ I tink bout all da Rules God make, I no throw way da tings he tell I gotta do. I do um!

2 Samuel 22:23 交叉參考

Songs 119:102

I no go da odda way An do diffren kine stuff. But I do da tings you tell Cuz you da judge, Cuz you, you wen show me Da way fo go.

Songs 119:30

I make up my mind awready, Dat da way I goin live, You can trus me. I tink all da time Bout da tings you tell Cuz you da judge.

John 15:14

You guys stay my frenz, if you guys do da stuff I stay tell you guys fo do.

Luke 1:6

Zekariah an his wife do da right tings da way God see um. Eryting Da One In Charge tell um fo do, an all da Rules From God, dey do um. An no mo nobody poin finga dem.

Songs 119:128

Dass why all da tings you tell I gotta do, I know fo shua, dey right. An I hate wat peopo do Wen dey bulai odda peopo.

Songs 119:86

All da tings you tell us gotta do, Can trus um, cuz dey true. But dem guys stay come agains me, No matta I neva do notting bad! Eh God! Help me!

Songs 119:13

I tell da peopo All da tings you tell cuz you da judge.

Songs 119:6

Den, wen I look good at all da tings You tell me fo do, An I do um. I no goin Come shame notting.

Rules Secon Time 8:11

Make shua dat you guys no foget oua God, dass Da One In Charge a us guys. No do wat he tell you guys not fo do, an stick wit his rules an all da tings he tell you gotta do, jalike I stay tell you guys today.

Rules Secon Time 7:12

“If you guys lissen dese rules an make shua you do um, den oua God, dass Da One In Charge a us, goin make shua he do his part a da deal fo stay tight wit you guys, jalike he wen make one strong promise to oua ancesta guys fo do um.

Rules Secon Time 17:20

If he stay read um an do wat da rules tell, den he no goin tink he mo betta den da odda Israel guys, an he no goin turn away from wat God tell um fo do even litto bit to da right side o da lef side. Den him an da ones dat goin come from him goin stay king ova da Israel peopo long time.