2 Samuel 22:22 - Hawaii Pidgin Bible

²² Cuz I wen make shua I do eryting da way Da One In Charge like fo me do, I neva do stuff dat no stay right, An I neva bag from my God.

2 Samuel 22:22 交叉參考

Smart Guys 8:32

“My kids, I tell dem, ‘You betta lissen good now!’ Da peopo dat do jalike how I stay do, Dey can stay good inside!

Start 18:19

“He da guy I wen pick fo come tight wit me. Dass how I know he goin tell his kids, an da peopo dat work fo him, an da peopo dat goin come from dem, dat dey all gotta live da way I tell um fo live, fo dem do da right ting erytime an stick wit my rules. Dass how I goin make happen fo Abraham da tings dat I wen tell him goin happen. Az why I goin tell um dis!”

Songs 128:1

All da peopo dat feel jalike dey sked Weneva dey come In front Da One In Charge, An dat live da way he like dem fo live, Dey can stay good inside.

2 Corint 1:12

Dis how come we talk big. Fo shua us guys know we do wat God like us fo do. Us do um jus cuz we like do um, fo erybody see dat God make us guys do wass fo real. Us no do um wit da kine smarts da peopo get, but wit da kine smarts dat God give us cuz he get one good heart. Az how us wen live in dis world, an even mo plenny how us guys wen make fo help you guys.

John 15:10

If you guys stay do wat I tell you guys fo do, den you guys goin hang in dea an stay tight wit me fo shua, an I goin give you guys my love an aloha. Jalike I do wat my Faddah tell me fo do, an he stay give me plenny love an aloha.

Zefaniah 1:6

An I goin wipe out da peopo dat wen bag from me, Da One In Charge, An tell me fo help dem, O try find out from me wass good fo dem do.

Songs 125:5

Da peopo dat go da wrong way An do crooked kine stuff, I like fo Da One In Charge Throw dem out, Same time he kick out da odda peopo Dat do bad kine stuff. But fo da Israel peopo, I like eryting go good fo dem!

Songs 119:1

Da kine peopo Dat nobody can poin finga dem An dat no go da wrong way, Cuz dey follow da Rules From Da One In Charge, Dose peopo can stay good inside!

Songs 36:3

Eryting dat come outa dea mout, no good, an all bulai. Dey no like undastan wat dey stay do, An dey no like do good tings.

1 Samuel 12:3

I stan hea right now, in front Da One In Charge an da guy dat Da One In Charge wen pick fo be da king. If anybody get someting fo tell, okay fo dem poin finga me right now. I wen rip off somebody cow, o wat?! O somebody donkey? I wen scam somebody? I wen put presha on somebody? I wen take silva from somebody fo shut my eyes, o wat?! If I wen make lidat to somebody, right now, I goin make um come pono fo dem!”

Census 16:15

Den Moses come real huhu. He tell Da One In Charge, “No take da sacrifices dey give you! I neva take even one donkey from dem, an I neva do notting agains dem!”

1 Kings 9:4

“Now, you gotta live in front me jalike yoa faddah David wen do, cuz he wen go all out fo me, an he do eryting da right way. Same ting fo you, you gotta do eryting I tell you fo do, an run yoa govmen da way I like.

Songs 18:1

David tell: “Eh! You Da One In Charge! I get love an aloha fo you! You da One make me strong!”