2 Samuel 2:32 - Hawaii Pidgin Bible

³² Joab dem take Asahel an bury him inside his faddah tomb Betlehem side. Den Joab an his guys march all nite, an come Hebron town same time da sun come up.

2 Samuel 2:32 交叉參考

Smart Guys 22:29

Wen you spock somebody Dat know how fo do his work real good, Dat guy, goin work fo da king guys, Not fo da kine guys dat nobody know.

2 Records 21:1

Wen Jehoshafat mahke, dey bury him wit his ancesta guys inside Jerusalem, David big town. His boy Jehoram come king afta him.

2 Records 16:14

Dey bury him inside da tomb dat he wen tell his guys fo cut out fo him inside Jerusalem, David big town. Dey lay him on top one punee dat get spice dat smell nice an all kine perfume on top um, an dey make one real big fire fo show respeck fo him.

2 Samuel 5:1

Da leada guys from all da ohanas dat come from Israel, dey go by David, Hebron town. Dey tell, “Us guys, we stay yoa side, cuz us get da same blood an bones.

1 Samuel 17:58

Saul aks David, “My boy, who yoa faddah?” David tell, “Jesse from Betlehem, he my faddah, an you da boss fo him.”

Start 47:29

Wen da time come fo Israel mahke, he sen somebody fo tell his boy Joseph, “Come!” He tell Joseph, “Try do one ting fo me: Put yoa hand unda my thigh fo show you stay tight wit me, fo me trus you fo do wat I tell you fo do. Den make one promise to me dat fo shua you goin do one ting fo me: Try no bury me ova hea Egypt side.

Start 47:30

I like go sleep wea my mahke ancesta guys stay. You gotta take my body outa Egypt, an bury me inside da same place wea my ancesta guys stay.” Joseph tell his faddah, “I goin do jalike you tell.”

Local Leadas 8:32

Gideon, Joash boy, mahke wen he stay real ol. Dey bury him inside his faddah Joash tomb inside Ofrah town wea da Abiezer ohana peopo live.

2 Samuel 2:31

David army guys wen kill 360 guys from da Benjamin army an da guys dat wen stay wit Abner.