2 Samuel 2:27 - Hawaii Pidgin Bible

²⁷ Joab yell back to Abner, “Jalike I stay shua God stay alive, same ting I stay shua, dat if you neva tell wat you jus wen tell, all my army guys chase yoa guys till morning time. But cuz dey yoa braddahs, az good dat neva happen!”

2 Samuel 2:27 交叉參考

Smart Guys 17:14

Wen peopo start fo argue, Az jalike you make puka in one dam An let da watta come out an broke eryting. Mo betta make um so notting bodda you, An no say notting, befo you come Jalike one wild animal.

2 Samuel 2:14

Den Abner tell Joab, “Eh, let some a yoa army guys go fight some a oua army guys fo us guys watch.” Joab tell, “Shoots!”

Isaiah 47:7

You Babylon guys talk Jalike you goin stay foeva, Jalike yoa town stay one queen foeva! But you neva tink bout all dis stuff, O wat goin happen bumbye Cuz a wat you stay do now!

Smart Guys 25:8

No go quick fo take somebody in front da judge. Cuz in da end, If da guy can show proof he neva do um, Goin make you plenny shame!

Smart Guys 20:18

Wen you make plan fo do someting new, Aks odda peopo fo help you tink wass good fo do, Den, yoa plan goin be mo solid. So, make shua you get peopo Fo help you tink good Befo you make war.

Smart Guys 15:1

Wen somebody no talk nice to you, Talk back with nice kine words An da odda guy goin come quiet one mo time. You talk harsh kine, He goin come all huhu wit you.

Job 27:2

“Fo shua God stay alive. But he take away my rights! Da God Dat Get All Da Powa, he make me come all jam up!

1 Samuel 25:26

“Now, fo shua Da One In Charge stay alive, an you stay alive. I stay shua bout dis: Da One In Charge, he da one dat no let you kill nobody o be da one pay him back. An I like da peopo dat stay agains you, an erybody dat like hurt you, come jalike Nabal.

2 Samuel 2:26

Abner yell to Joab an tell, “We goin stay kill each odda wit swords foeva, o wat?! Fo shua, you know dat afta dis fighting pau, erybody goin stay hate each odda still yet. How long befo you goin tell yoa army guys fo no go chase dea braddahs da Israel guys no moa?!”

2 Samuel 2:28

So Joab blow one sheep horn trumpet, an all da Judah army guys stop. Dey no chase da Israel guys o fight no moa.