2 Samuel 2:14 - Hawaii Pidgin Bible

¹⁴ Den Abner tell Joab, “Eh, let some a yoa army guys go fight some a oua army guys fo us guys watch.” Joab tell, “Shoots!”

2 Samuel 2:14 交叉參考

2 Samuel 2:17

Den, da odda guys fo da two armies start fo fight real hard. David guys win ova Abner an da Israel guys.

Smart Guys 25:8

No go quick fo take somebody in front da judge. Cuz in da end, If da guy can show proof he neva do um, Goin make you plenny shame!

Smart Guys 20:18

Wen you make plan fo do someting new, Aks odda peopo fo help you tink wass good fo do, Den, yoa plan goin be mo solid. So, make shua you get peopo Fo help you tink good Befo you make war.

Smart Guys 17:14

Wen peopo start fo argue, Az jalike you make puka in one dam An let da watta come out an broke eryting. Mo betta make um so notting bodda you, An no say notting, befo you come Jalike one wild animal.

Smart Guys 10:23

Da stupid guys dat tink dey no need learn notting, Dey tink az good fun Wen dey go do da bad stuff dey wen plan. Da guys dat undastan real good, Dey get good fun wen dey do Wat dey know dey suppose to do.

2 Samuel 2:15

So dey count twelve guys fo da Benjamin ohana an Ish-Boshet, Saul boy. Dey go da odda side a da watta place, an twelve guys fo David go by dem.

2 Samuel 2:16

Den all dem grab da head a da guy dey stay agains, an stab da odda guy in da side wit his knife, so all 24 a dem guys fall down mahke togedda. Az why dey call dat place inside Gibeon town “Dagga Field.”

2 Kings 14:8

Laytas, Amaziah sen messenja guys by da Israel king Jehoash, Jehoahaz boy an Jehu grankid. He give um dis message, “Get ova hea fo us fight an see who goin win!”