2 Samuel 19:13 - Hawaii Pidgin Bible

¹³ An one mo ting: tell Amasa, ‘You, my blood an bones. I like God punish me plenny, if from right now till you mahke, mo betta you be da main leada guy fo my army. Cuz Joab not da main leada no moa!’ ”

2 Samuel 19:13 交叉參考

2 Samuel 17:25

Absalom wen pick his cousin Amasa fo stay in charge a his army, an he no pick Joab. Amasa faddah, one guy name Jeter. He one Israel guy. Amasa muddah, Abigail, Nahash girl an Zeruiah sistah, she Joab muddah.

1 Kings 19:2

Az why Jezebel sen one messenja guy by Elijah fo tell him, “Befo dis time tomorra, I goin make you jalike you make da guys you wen kill! An if I no do dat, I like my gods do da same kine ting to me, an even mo worse!”

2 Samuel 8:16

Joab (his muddah Zeruiah) stay in charge a da army. Jehoshafat, Ahilud boy, stay in charge a da records.

Ruth 1:17

An da place you mahke, I goin mahke dea too. Dass wea dey goin bury me! I like Da One In Charge punish me plenny If I go way from you! Us goin stick togedda Till you mahke, o I mahke!”

1 Records 12:18

Den God Spirit take ova Amasai, da leada fo da thirty bestes army guys. He tell, “Us, yoa guys, David! Us stay tight wit you, Jesse boy! Us like eryting come real good fo you fo real kine, An same ting fo da guys dat help you win, Cuz yoa God help you.” So David take dem, an make dem da leadas fo his raida kine army guys.

2 Samuel 18:11

Befo da guy pau tell dat, Joab tell um, “Wot?! You wen see him lidat?! How come you neva wack um down an kill um right den an dea?! Cuz you neva do dat, I no goin give you ten piece silva, an one fancy kine sword belt!”

Start 29:14

an Laban tell him, “Fo shua, me an you get da same blood!” Jacob stay dea one month.

2 Samuel 3:27

Wen Abner come back Hebron side, Joab take him inside one small security guard room by da gate. He make jalike he like talk to Abner, jus dem two inside one quiet place. But fo pay back Abner fo kill Joab braddah Asahel, Joab stab Abner in da belly, an he mahke.

2 Samuel 5:1

Da leada guys from all da ohanas dat come from Israel, dey go by David, Hebron town. Dey tell, “Us guys, we stay yoa side, cuz us get da same blood an bones.

2 Samuel 20:4

Den da king tell Amasa, “Call da Judah army guys fo come togedda by me in da nex three days, an you come too.”